KASA 5:19 - Jinghpaw Common Language Bible 2009

¹⁹ Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

Jinghpaw Hanson Version Bible

¹⁹ Rai timung, dai shana e Madu a lamu kasa gaw, htawng chyinghka ni hpaw kau ya nna, shanhte hpe shapraw dat let,

KASA 5:19 ပူးပေါင်းရင်းမြစ်များ

SHAKAWN KUNGDAWN 146:7

Shi gaw dip gamyet sha hkrum ai ni a hpang maga de, tara dara ya nna; kaw si hkrum ai masha ni hpe lusha shahpa jaw ya nga ai. Dai Madu gaw bawng dung ai ni hpe mung shalawt dat wu ai.

SHAKAWN KUNGDAWN 34:7

Madu hpe shagrau sha-a ai ni hpe shi a lamu kasa ni bau sin nga ma ai; hkrithpa shara kaw na mung, shanhte hpe mawai la nga ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 1:24

Dai rai nna Yosep gaw, yup pyaw ai kaw na rawt wa nhtawm, dai Madu a lamu kasa shi hpe hkang da wu ai hte maren, Mari hpe la wu ai.

MAHTE 2:13

Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

MAHTE 2:19

Ya Herod si mat ai hpang, dai Madu a Lamu kasa langai mi Egutu mung e, yup mang hta Yosep kaw dan pru nna,

MAHTE 28:2

Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

LUKA 1:11

Shaloi dai Madu a lamu kasa langai mi gaw, manam pyaw ai nat nawng ai hkungri a hkra maga de, shi hpe tsap shadan dan wu ai.

LUKA 2:9

Shaloi dai Madu a lamu kasa langai mi shanhte a man e dan pru nna, dai Madu a hpung shingkang shanhte a grup yin htoi kabrim wa ai. Dai rai nna shanhte gaw hkrit kaba hte hkrit mat ma ai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

KASA 16:26

Shaloi grai ja ai nnang nawn kaba langai mi wa nna, htawng nta npawt nhpang ni awam wa ai, shaloi jang chyinghka ni mahkra hpaw malang mat shajang nna bawng masha ni yawng a hkang hkyihkyang ni malaw mat wa ai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

KASA 8:26

Ya dai Madu a lamu kasa langai mi Hpilip hpe tsun wu ai gaw, “Rawt u, Yerusalem kaw nna Gaza de sa wa ai lam pru hkra dingda de tawk sa wa su,” ngu wu ai. (Dai lam gaw dai ni n lang mat sai nam mali lam rai nga ai.)