KASA 5:18 - Jinghpaw Common Language Bible 2009

¹⁸ Shing rai shanhte gaw kasa ni hpe rim la nhtawm mare na htawng hta bang da mu ai.

Jinghpaw Hanson Version Bible

¹⁸ kasa ni hpe rim la nna, mare na htawng hta rawng da mu ai.

KASA 5:18 ပူးပေါင်းရင်းမြစ်များ

YEREMIA 37:15

Shanhte gaw ngai hpe masin pawt bu ma ai hte ngai hpe kayat nhtawm htawng shatai tawn ai htingnu amu madu Yonahtan a nta hta sharen da ma ai.

MAHTE 4:12

Yawhan hpe htawng hta rim bang da ai lam Yesu na wu yang, shi Galile mung de htawt sa mat wa ai.

LUKA 21:12

Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

KASA 4:3

Dai rai nna Kasa yan hpe rim la nhtawm, shana rai wa sai majaw, jahpawt du hkra htawng hta bang da mu ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.