KASA 5:17 - Jinghpaw Common Language Bible 2009

¹⁷ Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.

Jinghpaw Hanson Version Bible

¹⁷ Rai timung, hkinjawng agyi wa hte, shi a manang ni, Saduke ngu ai hpung masha nlang hte gaw, manawn ai myit hkrai chyat rai nga malu ai rai nna, rawt nhtawm

KASA 5:17 ပူးပေါင်းရင်းမြစ်များ

YOBA 5:2

Nang hkrai si hkra myit ru myit tsang nga ai gaw angawk shangun ai hte htauli htaula myit n rawng ai sha amu galaw ai lam rai nga ai.

GA SHAGAWP 14:30

Ngwi pyaw sim sa ai myit masin gaw hkum hkrang hpe hkam kaja shangun nga ai; manawn masham ai myit chyawm gaw nrut nra hpe shatsam kau ya ai mawng ana zawn rai nga ai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

MAHTE 27:18

Yuda agyi salang ni manawn masham n ju n dawng ai majaw, shanhte Yesu hpe ap kau mu ai hpe Pilat atsawm sha chye ya mu ai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

YAWHAN 12:10

Dai majaw hkinjawng agyi ni gaw Lazaru hpe mung sat kau na nga nna maw mawn nga ma ai.

YAWHAN 12:19

Dai re ai majaw Hparishe ni gaw, “Yu mu, anhte hta awng dang ai lam hpa mung n nga sai. Kaja wa mungkan ting gaw shi a hpang hkan mat wa masai,” nga nna shada da tsun shajang ma ai.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 15:5

Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

KASA 4:26

Mungkan Hkawhkam ni gaw, Karai Kasang hpe gumlau na matu shanhte dai shanhte hkyen lajang nga ma ai, Madu hte Madu dat dat ai Meshia hpe nhtan shai, tai ninghkap na matu du salang ni rau hpawng nga ma ai,’ nga ai.

KASA 4:6

Hkinjawng Agyi Kaba Anna hte hpawn Kayahpa, Yawhan, Alexandru hte Hkinjawng Agyi Kaba a dinghku hta lawm ai kaga masha ni hpawng nga ma ai.

KASA 5:16

Dai hta kaga, Yerusalem grup yin mare ni hkan na masha wunawng law law wa machyi ai ni hte nat shang zingri hkrum ai ni hpe woi nna, du shajang ma ai, dai ni mung yawng hte shamai shatsai ai hkrum ma ai.

KASA 7:9

“Yaku a kasha ni gaw shanhte a kanau Yosep hpe manawn nna, Egutu mung de mayam hku dut kau dat mu ai. Rai ti mung Karai Kasang gaw shi hte rau rai nga ai rai nna,

GALATI 5:21

n su n nawn ai, chyaru nang ai lam, sawse lawklek ai hte dai hte bung ai lam ni rai nga ma ai; shing rai galaw ai ni gaw Karai Kasang a Mungdan a sali wunli hkam la na n rai, shawng e tsun dan sai hte maren, ya mung nanhte hpe tsun madun nga nngai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.