KASA 5:15 - Jinghpaw Common Language Bible 2009

¹⁵ Kasa ni galaw dan nga ai magam bungli ni a majaw, Petru lai sa wa yang nkau mi a ntsa e shi a shingnip sha pyi hkra u ga, nga nna machyi makaw hkrum ai ni hpe mare lam makau de hpai shapraw nhtawm yup ku ni hte panep ni hta tawn da shajang ma ai.

Jinghpaw Hanson Version Bible

¹⁵ dai rai nna, Petru lai sa wa yang, langai ngai a ntsa e shi a shingnip sha pyi hkra u ga, nga nna machyi makaw hkrum ai ni hpe, mare lam makau de hpai shapraw nhtawm yup ku ni hte panep ni hta, tawn da shajang ma ai.

KASA 5:15 ပူးပေါင်းရင်းမြစ်များ

HPAJI NINGLI 3:3

sat kau ai aten hte shamai shatsai ai aten hpe mung, run kau ai aten hte gaw gap ai aten hpe mung, masat da ya nga ai.

MAHTE 14:36

Shanhte gaw, machyi makaw hkrum ai ni shi a palawng ban byau hpe sha pyi ahtawk na ahkang hpyi nem ma ai: ahtawk ai ni kadai mung mai mat wa ma ai.

MAHTE 9:21

Dai numsha a kraw kata e mung, “Shi a palawng hpe sha pyi ahtawk lu yang gaw, ngai mai wa lu na rai nga ai,” nga nna tsun nga ai.

MARKU 6:55

Dai rai nna, shanhte gaw ginwang ting gat kahkrang hkawm nhtawm machyi makaw hkrum ai ni hpe hpun nba panep ni hte nawng, shi nga ai lam na lu ai shara shagu de, hpai sa du ma ai.

YAWHAN 14:12

Nanhte hpe ngai kaja wa teng teng tsun made ai gaw, ngai hpe kam sham ai wa gaw, ngai galaw ai amu lu galaw na ra ai, rai sa, dai hta grau kaba ai amu mung lu galaw na ra ai; hpa majaw nga yang, ngai gaw Wa hpang de wa na nngai.

KASA 28:9

Shing rai byin ai majaw zunlawng na kaga machyi ai masha ni yawng Pawlu hpang sa ma ai rai nna shamai shatsai ai lu la ma ai.

KASA 5:16

Dai hta kaga, Yerusalem grup yin mare ni hkan na masha wunawng law law wa machyi ai ni hte nat shang zingri hkrum ai ni hpe woi nna, du shajang ma ai, dai ni mung yawng hte shamai shatsai ai hkrum ma ai.