KASA 5:14 - Jinghpaw Common Language Bible 2009

¹⁴ Rai ti mung, Karai Kasang hpe hkap la kam sham ai numsha, lasha hpung kaba grau grau nna dai hpung hta jat bang wa ma ai.

Jinghpaw Hanson Version Bible

¹⁴ kamsham ai numsha lasha hpung kaba, dai Madu kaw jat bang wa ma ai:

KASA 5:14 ပူးပေါင်းရင်းမြစ်များ

2 SAMUELA 6:19

shanhte yawng hpe lusha karan jaw wu ai. Israela mung na numsha, lasha shagu hte hpe muk pa pa, shan tau hkyep hkyep hte sabyi si jahkraw loi loi jaw wu ai. Dai hpang masha shagu tinang nang a nta de wa mat wa ma ai.

EZRA 10:1

Ezra gaw Nawku Htingnu ndaw e gum dagup let myi prwi pru nna dai yubak mara ni hpe yin la nhtawm akyu hpyi nga yang, Israela masha wunawng wuwa kaba rai nga ai numsha lasha ni hte ma kaji ni nye a grup grup hkan e sa hpawng nga let ahkup ahka nga hkra hkrap nga ma ai.

NEHEMIA 8:2

Dai re ai majaw, Ezra mung atsawm sha chye na lu sai numsha, lasha ni hte ma kaji ni ngu ai amyu masha ni hpawng nga ai shara de dai hpe la shapraw wu ai.

PRU MAT 35:22

Kam jaw ai shawang myit rawng ai numsha hte lasha ni yawng hte gaw sumli da ai hkindang, na lakan, lachyawp, kachyi hte aja arai baw hkum sumhpa yawng dai Madu a matu ap ya ma ai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 22:4

Ngai gaw Yesu a lam hta hkan nang ai numsha lasha ni hpe gyit hkang sharen nna htawng hta bang da let, sat kau ai du hkra zingri zingrat yu ni ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

KASA 6:7

Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.

KASA 8:12

Rai ti mung, Karai Kasang a Mungdan hte seng ai, Madu Yesu Hkristu hte seng ai Kabu Gara Shiga a lam, Hpilip hkaw dan ai hpe kam sham ma yang numsha lasha hkalup hkam la ma ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

KASA 9:35

Luda hte Sharon mare e nga ai masha nlang hte mung shi hpe mu nna Madu hpang de kayin bang wa ma ai.

KASA 9:42

Dai lam shiga Yopa ginwang ting gumhkawng chyam bra wa ai rai nna masha law law wa dai Madu hpe kam sham ma ai.

2 KORINHTU 6:15

Hkristu hte Satan kaning rai myit mang hkrum lu ma ta? Kam sham ai wa langai mi gaw n kam n sham ai wa langai mi hte kaning rai shabung nna nga lu na rai ta?

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.