KASA 5:13 - Jinghpaw Common Language Bible 2009

¹³ Masha ni shan hte hpe grai tsun shakawn ma ai rai tim shinggan masha gale kadai mung shan hte n kanawn wam ma ai.

Jinghpaw Hanson Version Bible

¹³ Masha gale kadai mung shanhte hte n kanawn wam ma ai: mung masha ni chyawm gaw, shanhte hpe sha-a ma ai rai nna

KASA 5:13 ပူးပေါင်းရင်းမြစ်များ

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

YAWHAN 12:42

Rai ti mung Yuda du agyi salang ni law law wa Yesu hpe kam sham shajang ma ai; dai re ai she Hparishe ni a majaw, tara jawng na shapraw kau na hpe hkrit tsang nna tinang kam sham ai hpe dan leng ai hku n yin la hkraw ma ai.

YAWHAN 19:38

Dai hpang, Yuda agyi salang ni hpe hkrit ai majaw, mayun de nna, (Yesu a sape tai nga ai Aramahti mare na Yosep ngu ai wa gaw, Yesu a hkum tsawp hpe shayu la na Pilat kaw hpyi wu ai.) Pilat mung ahkang jaw wu ai. Dai re ai majaw shi sa nna dai hkum tsawp hpe shayu la wu ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw shing ngu tsun mu ai. Hpa majaw nga yang, Yesu gaw Meshia re, nga nna kam sham yin la ai wa kadai hpe rai ti mung, tara jawng na shapraw kau na nga nna Yuda masha ni myit hkrum da masai.

KASA 19:17

Dai lam hpe Ehpesu mare na Yuda masha ni hte tara maigan masha ni nlang chye ma yang, shanhte yawng hkrit mat shajang nna, Madu Yesu a mying nsang hpe shagrau sha-a shajang ma ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

KASA 5:26

Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai, rai ti mung aja awa n di wam mu ai, hpa majaw nga yang, shawa masha ni nlung hte kabai wa na hpe hkrit da mu ai.

KASA 5:5

Anani gaw, dai ga hpe na ai shaloi jang kadawng si mat ai. Dai na ai ni yawng mung nachying hkrit kahpra nga ma ai.

2 KORINHTU 10:15

Dai re ai majaw anhte gaw Karai Kasang e anhte a matu masat da ya ai amu hta lai nna masha kaga ni galaw ai magam amu hte seng nna anhte grang ai ga tsun ga ai n rai. Shing rai na malai, galoi mung Karai Kasang masat da ya ai shingwang kata e anhte a makam masham kunghpan wa na hte nanhte a lapran e grau kaba ai bungli galaw maden jat lu na hpe anhte myit mada nga ga ai.