KASA 5:12 - Jinghpaw Common Language Bible 2009

¹² Ya kasa ni gaw lamik kumla ni hte mauhpa amu law law hpe mung masha ni a man e madun dan mu ai. Kam sham ai ni yawng gaw Shawlumon mying ai jarawp hta hpawng de nga ma ai.

Jinghpaw Hanson Version Bible

¹² Ya kasa ni a lata hta lamik kumla hte mauhpa amu law law wa, mung masha ni a man e byin dan nga ai; dai ni nlang myit langai sha hte, Shawlumon mying ai jarawp hta nga nga ma ai.

KASA 5:12 ပူးပေါင်းရင်းမြစ်များ

YEREMIA 26:9

Ndai Nawku Htingnu gaw Shilo zawn tai mat nna, ndai mare gaw masha kadai n nga ai jahten shabyak kau hkrum na ra ai ngu nna dai Madu a mying hta hpa majaw nang tsun n ta?,” ngu nna san ma ai. Shaloi amyu masha ni gaw ngai hpe shinggrup da nga ma ai.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

YAWHAN 10:23

Yesu gaw Nawku Htingnu na Shawlumon a npan pinra e htinglet hkawm nga ai.

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

KASA 14:3

Kasa ni mung tsawmra na hkra dai yang e nga nna Madu a lam nden ja ai myit hte hkaw dan mu ai. Madu mung shanhte hkaw tsun ai Karai Kasang a chyeju hte seng ai mungga teng man nga ai lam sakse madun na matu shan hpe dai mauhpa amu hte lamik kumla ni madun lu ai atsam jaw mu ai.

KASA 16:18

Dai numsha gaw dai zawn nhtoi law law ya wa marawn jahtau htau re ai majaw Pawlu myit n pyaw nna, kayin nhtawm, dai nat hpe, “Yesu a mying nsang hte ngai nang hpe hkang da de ga, shi kaw na pru mat u!,” ngu wu yang dai shaloi jang numsha kaw na pru mat wa ai.

KASA 19:11

Karai Kasang mung Pawlu hku nna shawoi n byin yu ai laklai ai lamik kumla ni hpe madun dan nga ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 28:9

Shing rai byin ai majaw zunlawng na kaga machyi ai masha ni yawng Pawlu hpang sa ma ai rai nna shamai shatsai ai lu la ma ai.

KASA 3:11

Dai wa gaw Petru yan Yawhan kaw hkan kanan nang nga yang, shawa masha ni mau mahka let, shannga nga ai Shawlumon ngu ai jarawp de gat ru bang wa ma ai.

KASA 4:30

Machyi makaw mai tsi hkra na a lata ladawn nna, na a chyoi pra ai Shangun Ma Yesu a mying hte lamik kum la hte mau hpa amu ni hpe byin shangun u law,” nga nna akyu hpyi ma ai.

KASA 9:33

Dai yang e katsing si nna matsat ning tup yup ra na n rawt lu ai Ainea mying ai masha langai mi hpe mu hkrup wu ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

ROMA 15:19

Dai re ai majaw ngai gaw Yerusalem mare kaw nna Iluri ginwang grup hkra Hkristu a Kabu Gara Shiga hkaw jahproi dan ni ai.

2 KORINHTU 12:12

Ngai gaw kasa langai mi rai nga ai lam sakse madun na matu law la ai lamik kumla ni hte mauhpa amu ni hpe nanhte a ka-ang e myit galu kaba hte galaw dan lai wa ni ai.

HEBRE 2:4

Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.