KASA 4:36 - Jinghpaw Common Language Bible 2009

³⁶ Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

Jinghpaw Hanson Version Bible

³⁶ Dai shaloi, Barnaba ngu nna, kasa ni e mying hkawt shamying ai, Kupru mung na Lewi masha Yawsep mung, shi lu ai ga dachyawk dut nna, lu la ai gumhpraw hpe kasa ni a lagaw nhpang e sa tawn da wu ai:

KASA 4:36 ပူးပေါင်းရင်းမြစ်များ

MARKU 3:17

Zebedi a kasha Yaku hte Yaku a kanau Yawhan, (shan nau hpe Buanerga, ngu nna mying hkawt shamying wu ai; de a lachyum “mu ngoi ai kasha yan,” ngu ai rai nga ai.)

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 12:25

Barnaba hte Shawlu mung shan galaw ang ai amu hpe gun hpai ngut jang Marku ngu ai Yawhan hpe shaga la nhtawm Yerusalem mare de bai wa ma ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 13:4

Shing rai, Chyoi Pra ai Wenyi e shan hpe shangun dat mu ai hte maren shan gaw Seluki de du yu wa nna dai yang na li jawn nhtawm Kupru de du ma ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 15:37

Dai shaloi Barnaba gaw Marku mying ai Yawhan hpe shanhte hte rau woi hkawm shalawm la mayu wu ai.

KASA 15:39

Dai nhkan e ga lai nna, langai hte langai hka mat ma ai. Barnaba gaw Marku hpe woi nna Kupru zunlawng de li hte sa wa ai.

KASA 21:16

Kesare na sape nkau mi mung, anhte hte rau sa ma ai rai nna, anhte sa manam na rai nga ai, Kupru zunlawng masha Manason ngu ai shawng shawng kaw nna kam sham nga sai sape langai mi a nta kaw sa sa bang da mi ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

KASA 27:4

Anhte dai kaw na pru jang, nbung n sun ai majaw Kupru zunlawng hpe shinggrup nna garet sa wa ga ai.

KASA 9:27

Dai shaloi Barnaba gaw shi hpe kasa ni hpang de woi wa nna, Shawlu shi dai Madu hte lam e kaning rai mu hkrum nna dai Madu e shi hpe tsun ai ga na lu ai mung, Damasku mare hta Yesu a mying gang nna nden marai hte gara hku hkaw tsun dan ai lam mung shanhte hpe hkai dan mu ai.

1 KORINHTU 14:3

Rai ti mung Karai Kasang a mungga hkaw tsun ai wa chyawm gaw, masha ni hpe shadaw shangang ai ga, n-gun jaw ai ga, shalan shabran ai ga tsun dan nga ai.

1 KORINHTU 9:6

Ngai hte Barnaba an chyu sha lu na sha na, a matu amu galaw lu na rai nga a ni?

GALATI 2:1

Dai hpang shi mali ning lai yang she Titu hpe mung woi shalawm let Barnaba hte rau Yerusalem mare de ngai bai lung wa nngai.

GALATI 2:13

Kaga Yuda hpu nau ni mung, Petru hte rau nden marai n rawng ai ni zawn yawng nang mat wa ai majaw, Barnaba pyi gaw shanhte hta lawm nang magang mat wa ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

KOLOSE 4:10

Nye a bawng dung manang Aristarku nanhte hpe shakram dat ai. Bai nna Barnaba a kahkri Marku mung nanhte hpe shakram dat ai. (Nanhte hpang de Marku du sa wa ai shaloi hkap hkalum la mu ngu nna matsun dat ai lam ni hpe nanhte lu la tawn chyalu rai manit dai.)