KASA 4:34 - Jinghpaw Common Language Bible 2009

³⁴ Shanhte hta ra kadawn ai masha langai mi muk n nga ma ai. Hpa majaw nga yang sun hkauna lamu ga lu ai ni, nta lu ai ni kadai mung, dai dut nna lu ai gumhpraw hpe

Jinghpaw Hanson Version Bible

³⁴ Shanhte hta kadawn ai masha langai mi muk n nga ma ai; kaning rai nme law, ga dachyawk lu ai ni, nta lu ai ni kadai mung, dai dut nna, lu la ai gumhpraw hpe,

KASA 4:34 ပူးပေါင်းရင်းမြစ်များ

MAHTE 19:21

Shaloi Yesu gaw, “Nang ding hpring mayu n yang gaw, wa su, nang lu ai arai ni mahkra dut kau nna, matsan mayan ni hpe garan jaw u; shing rai jang sumsing lamu ntsa e sutgan ni lu na rin dai; ngai kaw mung sa nna hkan nang rit,” ngu nna shi hpe tsun wu ai.

MARKU 10:21

Yesu shi hpe tsaw ra ai hte azi yu let, “Lam langai mi sha nang naw ra nga ndai: nang wa su, nang lu malu hpe dut kau nna, matsan mayan ni hpe karan jaw u. Shing rai jang sumsing lamu ntsa e nang sut gan lu na rin dai; dai hpang ngai kaw sa nna hkan nang rit,” ngu nna shi hpe san wu ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 16:9

Ngai nanhte hpe tsun made ga, tinang a matu n tara ai mungkan sutgan hte jinghku hku mu, shaloi she dai htum mat jang dinggrin anga nga ai nta hta, nanhte hpe hkap la na marin dai.

LUKA 22:35

Dai hpang Yesu gaw shi a sape ni hpe tsun mu ai gaw, “Gumhpraw sumbu, nhpye, hkyepdin n gun n lang ai sha, ngai nanhte hpe shangun dat ai shaloi, nanhte hta lama ma ra kadawn ai lam nga malit ni?,” ngu nna san mu yang, “Hpa mung n ra ga ai,” ngu mu ai.

KASA 2:45

Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai.

KASA 4:37

Dai wa gaw shi lu ai ga dachyawk dut nna lu ai gumhpraw hpe kasa ni a lata de sa ap ya wu ai.

2 KORINHTU 8:14

Rai ti mung ya aten hta nanhte nhpaw n-ya lu nga myit dai majaw ra kadawn nga ai ni hpe karum madi shadaw na matu htap htuk nga ai. Lani mi na aten hta shanhte nhpaw n-ya lu nna nanhte ra kadawn nga yang, shanhte mung nanhte hpe bai madi shadaw na mara ai. Ndai hku nna shada da maren mara karum hkat lu nga ai.

TARA JAHPRANG 2:7

“Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

1 HTESALONI 4:12

Ndai lam hku nna, nanhte gaw kam sham ai hpung masha n re ai ni a hkungga lara ai hpe hkam la lu na rai myit dai; dai hta n ga, nanhte a ra ai lam hte seng nna kadai wa hpe mung n shamyet shanat ra na myit dai.

1 TIMOHTI 6:19

Ndai hku nna shanhte gaw hpang na prat a matu ngang kang ai npawt nhpang tai nga u ga, hpu ging ai sutgan shanhte mahkawng da lu nna teng man ai asak hkrung lam majing hpe lu la na mara ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.