KASA 4:30 - Jinghpaw Common Language Bible 2009

³⁰ Machyi makaw mai tsi hkra na a lata ladawn nna, na a chyoi pra ai Shangun Ma Yesu a mying hte lamik kum la hte mau hpa amu ni hpe byin shangun u law,” nga nna akyu hpyi ma ai.

Jinghpaw Hanson Version Bible

³⁰ na a mayam ni, na a mungga hpe nden ja ai myit hte tsun dan nga lu hkra, karum ya mi law,” nga nna hpyi ma ai.

KASA 4:30 ပူးပေါင်းရင်းမြစ်များ

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

YEREMIA 15:15

Dai hpang, ngai gaw, “Madu e, nang chye nga ndai; ngai hpe dum nga e law. Ngai hpe zingri zingrat ai ni hpe ngai matai dawp lu n-ga law. Shanhte ngai hpe sat ai hta awng dang ai hpe grai wa hkum yu sharang nga et. Na a majaw ngai n kaw n law hkrum nga nngai hpe dum nga u.

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 2:43

Kasa ni gaw lamik kumla law law hte mauhpa amu ni galaw dan ma ai majaw masha nlang hte mung hkrit kang shajang ma ai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

KASA 3:16

Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.

KASA 3:6

Petru chyawm gaw shi hpe, “Ja, gumhpraw gaw ngai n lu nngai; rai ti mung ngai lu ai nang hpe jaw de ga, Nazaret wa Yesu Hkristu a mying nsang hte rawt hkawm wa u!,” ngu nna tsun wu ai.

KASA 4:10

nanhte nlang hte Israela amyu masha yawng chye ang myit dai, nanhte wudang hta jen sat kau nna Karai Kasang e jasi ni kaw na jahkrung sharawt la ai, Nazaret wa Yesu Hkristu a mying nsang hta ndai wa hkrak sha mai tsai mat nna nang kaw nanhte a man e tsap nga ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

KASA 5:12

Ya kasa ni gaw lamik kumla ni hte mauhpa amu law law hpe mung masha ni a man e madun dan mu ai. Kam sham ai ni yawng gaw Shawlumon mying ai jarawp hta hpawng de nga ma ai.

KASA 6:8

Stehpan gaw Karai Kasang kaw na chyeju ra n rawng hkra hkam sha ai wa, n-gun atsam hpring tsup ai wa rai nna, mung masha ni a man e lamik kumla kaba ni hte mauhpa amu ni madun dan nu ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.