KASA 4:21 - Jinghpaw Common Language Bible 2009

²¹ Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

Jinghpaw Hanson Version Bible

²¹ Shaloi shanhte gaw, mung masha ni hpe tau yu let, shan hpe ari jaw na lam n mu mu ai majaw, shan hpe bai daru nna dat dat mu ai; kaning rai nme law, dai byin ai amu majaw, masha nlang Karai Kasang hpe shagrau sha-a ma ai.

KASA 4:21 ပူးပေါင်းရင်းမြစ်များ

MAHTE 15:31

Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu ma yang shanhte mau mahka nga ma ai rai nna, Israela Karai Kasang hpe shakawn kungdawn shajang ma ai.

MAHTE 21:46

Dai majaw shanhte gaw, shi hpe rim la na lam tam ma ai. Rai ti mung Yesu hpe myihtoi rai nga ai ngu nna kam nga ai shawa masha ni hpe hkrit da mu ai.

MAHTE 26:5

“Rai ti mung, mung masha ni n kabrawng wa mu ga, Poi laman e n rai u ga,” nga nna shanhte hkang da ma ai.

MAHTE 9:33

Rai ti mung, dai nat hpe shaden kau ai shaloi jang n chye shaga ai wa gaw shaga lu ai. Masha shagu mung mau nga ma ai hte, “Israela amyu hta ndai zawn re ai, galoi mung n mu yu ga ai!,” nga ma ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

LUKA 13:17

Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

LUKA 20:6

Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,” nga nna kam nga ma ai.

LUKA 22:2

Hkinjawng agyi ni hte Tara sara ni gaw, mung masha ni hpe hkrit da mu ai majaw, Yesu hpe kadai n chye ai sha sat kau na lam langai mi tam nga ma ai.

LUKA 5:26

Yawng mayawng gaw, grai wa mau mahka nga nna, hkrit la ai hte Karai Kasang hpe shakawn kungdawn let, “Dai ni anhte mauhpa amu ni mu lu sagaw ai,” nga nna tsun ma ai.

KASA 4:17

Rai ti mung, dai lam mung masha ni hta grau nna n bra n gara wa u ga, ya kaw nna dai Yesu a mying gang nna kadai hpe mung n tsun dan na hku shan hpe daru jet sadi jaw kau ga,” nga ma ai.

KASA 4:22

Dai lamik kum la hte shamai hkrum ai masha wa gaw, asak mali shi ning jan sai rai nga ai.

KASA 5:13

Masha ni shan hte hpe grai tsun shakawn ma ai rai tim shinggan masha gale kadai mung shan hte n kanawn wam ma ai.

KASA 5:26

Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai, rai ti mung aja awa n di wam mu ai, hpa majaw nga yang, shawa masha ni nlung hte kabai wa na hpe hkrit da mu ai.

KASA 5:40

Shanhte gaw kasa ni hpe shaga jashawn la nna kayat nhtawm, Yesu a mying hte n sharin n shaga lu na lam hkang da ngut jang, dat dat mu ai.