KASA 4:17 - Jinghpaw Common Language Bible 2009

¹⁷ Rai ti mung, dai lam mung masha ni hta grau nna n bra n gara wa u ga, ya kaw nna dai Yesu a mying gang nna kadai hpe mung n tsun dan na hku shan hpe daru jet sadi jaw kau ga,” nga ma ai.

Jinghpaw Hanson Version Bible

¹⁷ Rai timung, dai lam, mung masha ni hta grau nna n gara wa u ga, ya kaw nna amying dai gang nna kadai hpe mung, n tsun dan na hku, shan hpe daru jet kau gaw,” nga ma ai.

KASA 4:17 ပူးပေါင်းရင်းမြစ်များ

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

AMO LAIKA (AMOS) 2:12

Rai ti mung, nanhte gaw Nazari masha ni hpe sabyi lu shangun nna myihtoi ni hpe nye a mungga n tsun na matu hkang da manit dai.

MAHTE 27:64

Dai majaw shi a sape ni shi hpe sa lagu la nhtawm, ‘Si mat ai kaw na bai hkrung rawt wa sai ngu nna shawa masha ni hpe n tsun lu hkra, masum ya nhtoi tup dai lup hpe sin nga mu ga,’ hkang da u: shing n rai yang gaw, shawng na masu hkalem ai lam hta hpang na mahtang grau sawng na ra ai,” ngu mu ai.

MAHTE 9:30

Shaloi shan a myi hpaw wa malu ai. Yesu chyawm gaw, “Kadai mung ndai hpe n chye lu mu ga sadi nga mu,” ngu nna shan hpe aja awa ginhtim da mu ai.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

KASA 5:24

Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

EHPESU 6:9

Madu ni e, nanhte mung dai hte maren nanhte a mayam ni a ntsa e galaw hkan sa nga mu; shanhte hpe jahkrit ai lam ni jahkring kau mu. Nanhte hte nanhte a mayam ni gaw sumsing lamu hta e Madu langai sha hte seng ai ni rai nna dai Madu gaw langai hte langai hpe myi man n lata ai sha tara daw dan ai wa rai nga ai hpe myit dum nga mu.

1 HTESALONI 1:8

Hpa majaw nga yang, nanhte kaw na dai Madu a lam mungga gaw, Makedoni mung hte Ahkaia mung ting hta kajai gumhkawng wa ai sha n ga, Karai Kasang hta nanhte kam sham nga ai makam masham shiga ni mung shara shagu hkan e chyam bra wa sai. Dai rai nna nanhte hpe hpa tsun shara n nga saga ai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.