KASA 4:11 - Jinghpaw Common Language Bible 2009

¹¹ Dai Chyum Laika hta tsun da ai, ‘Nanhte nta gap ai ni lata kau ai nlung rai ti mung, ningjut jahtum na nlung bai tai wa sai,’ nga ai ga gaw Yesu hpe lakap nna tsun ai rai nga ai.

Jinghpaw Hanson Version Bible

¹¹ Dai Yesu gaw, nanhte nta gaw ai ni lata kau ai nlung rai nga timung, ningjut jahtum na nlung bai rai wa sai.

KASA 4:11 ပူးပေါင်းရင်းမြစ်များ

GA SHAGAWP 28:1

Tara n lang ai ni gaw shanhte hpe shachyut ai ni kadai n nga ti mung, hprawng nga ma ai; rai ti mung ding hpring ai wa chyawm gaw hkanghkyi zawn nden ja nga ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ZEHKARIA 3:9

Man sanit rawng ai nlung langai mi hpe Yawshu a man e ngai tawn da nngai. Dai hta nlung laika tawk ka da na nngai; shing rai lani jan hta sha, ndai mungdan na yubak mara hpe htawm kau na we ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.