KASA 3:26 - Jinghpaw Common Language Bible 2009

²⁶ Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

Jinghpaw Hanson Version Bible

²⁶ Nanhte hta hkum shagu hpe tinang a shut hpyit ai lam hta na kayin wa lu shangun na hte, nanhte hpe shaman ya n ga nga, Karai Kasang gaw shi a Shangun ma hpe paw pru shangun ai hta, nanhte hpang de shawng shangun dat ya sai,” ngu nna tsun mu ai.

KASA 3:26 ပူးပေါင်းရင်းမြစ်များ

SHAKAWN KUNGDAWN 72:17

Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

YEREMIA 31:18

“Ngai gaw Israela a amyu masha ni tsun ai yawn hkyen nsen hpe na nngai, Shanhte gaw, ‘Madu e, anhte gaw zai ai dusat zawn rai mat saga ai, rai ti mung, nang gaw anhte hpe madat mara na matu sharin ya nga nit dai. Anhte hpe woi nhtang wa mi; anhte gaw dai Madu anhte a Karai Kasang hpang de nhtang wa na matu jin jin rai nga saga ai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 2:32

Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

KASA 3:20

Karai Kasang kaw na Wenyi n-gun atsam du yu wa ai aten ni du na ra ai rai nna Meshia ngu ai nanhte a matu san da ya ai Yesu hpe nanhte hpang de shangun dat na ra ai.

KASA 3:22

Hpa majaw nga yang Mawshe gaw, “Dai Madu Karai Kasang ngai hpe shangun dat ai zawn myihtoi langai mi nanhte hpang de shangun dat na ra ai rai nna, shi gaw nanhte a amyu ru sai kaw na rai na ra ai. Nanhte gaw dai wa tsun matsun yawng hte hpe madat mara hkan sa galaw na rai myit dai.

KASA 3:25

Shi a myihtoi ni hku nna nanhte hpe Karai Kasang jaw ai ga sadi ni gaw nanhte a matu rai nga ai hta n ga, nanhte a nji nwa ni hte Karai Kasang tawn da ai ga shaka ni hte mung seng nga myit dai. “Karai Kasang gaw Abraham hpe na a amyu matu a marang e ga ntsa na amyu mahkra gumring gumrat chyeju hkam la shajang na mara ai nga nna tsun ai.”

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 15:29

Ngai nanhte kaw du yang Hkristu kaw na ra n rawng nna gumring gumrat ai shaman chyeju ni nanhte hpe garan kachyan hkam la shangun lu na ngai chye nga nngai.

ROMA 15:8

Hpa majaw nga yang Karai Kasang gaw ga sadi dung ai wa re ai lam hpe shadan dan na matu, lam mi hku tsun ga nga yang, ji wa ni hpe jaw da ai ga ndat hpe shadik shatup na matu Madu Yesu gaw matu gadoi hkam ai Yuda amyu masha ni a mai kaja ai lam a matu mara du sa ra ai ngu nna ngai tsun nngai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,