KASA 3:24 - Jinghpaw Common Language Bible 2009

²⁴ Samuela hte shi a hpang e paw pru nna mungga htawn tsun shajang ai myihtoi ni yawng hte gaw ya ndai shani nhtoi ni hta byin wa na ra ai lam ni hpe tau tsun da masai.

Jinghpaw Hanson Version Bible

²⁴ Rai sa, Samuela kaw nna, shi a hpang e hkan paw pru nna htawn tsun tsun re ai myihtoi yawng hte gaw, nhtoi ndai hpe lakap nna mung tau tsun wa masai.

KASA 3:24 ပူးပေါင်းရင်းမြစ်များ

SHAKAWN KUNGDAWN 99:6

Mawshe hte Arun gaw shi a hkinjawng yan rai nga ma ai, Samuela mung Madu kaw akyu hpyi ai wa rai nga ai; shanhte gaw Madu hpe shaga nga ma ai hte, Madu mung shanhte hpe htan ya mu ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

LUKA 24:27

Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

KASA 13:20

Shing rai byin ai gaw shaning mali tsa manga shi ning na hkra rai nga ai, De a hpang myihtoi Samuela paw pru ai ten du hkra shanhte a matu tara agyi ni hpe shi tawn da ya mu ai.

KASA 17:3

Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

KASA 3:21

Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang tsun da sai hte maren, nga yawng nga pra hpe nnan bai gram ai prat du hkra Yesu gaw sumsing lamu e nga nga lu na rai nga ai.

ROMA 3:21

Rai ti mung ya gaw Karai Kasang a man e masha hpe ding hpring wa lu ai lam shadan dan mani ai. Karai Kasang a man e ding hpring wa shangun na matu, jep ai Tara hte n dang di lu ai. Ndai lam teng nga ai gaw Mawshe a jep ai Tara hte myihtoi ni sakse hkam ma ai.

1 SAMUELA 2:18

Ndai aten hta, dai ma Samuela gaw chyoi pra ai lachyit hpa hkai lawng hpun let dai Madu hpe matut nna daw jau wu ai.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.

1 SAMUELA 3:20

Dai rai nna, Samuela gaw teng teng dai Madu a myihtoi rai nga ai hpe mungdan a jahtum shara mi kaw nna kaga shara mi de du hkra nga nga ai Israela amyu masha ni yawng chye ma ai.