KASA 3:21 - Jinghpaw Common Language Bible 2009

²¹ Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang tsun da sai hte maren, nga yawng nga pra hpe nnan bai gram ai prat du hkra Yesu gaw sumsing lamu e nga nga lu na rai nga ai.

Jinghpaw Hanson Version Bible

²¹ moi chyaloi nhkoi nna nga nga ai, shi a chyoi pra ai myihtoi ni a n-gup hta, Karai Kasang tsun da sai lam hte maren, nga yawng danghta hpe nnan bai gram ai prat du hkra, sumsing lamu gaw dai wa hpe hkap la da nga na, rai nga ai.

KASA 3:21 ပူးပေါင်းရင်းမြစ်များ

ESAIA 1:26

Ngai gaw nanhte hpe moi moi e nanhte hta nga yu sai zawn re ai mung du ni hte hpaji jaw sara ni hpe jaw ya na nngai. Dai hpang Yerusalem gaw ding hpring ai, sadi dung ai mare ngu shamying hkrum na ra ai.”

LUKA 1:70

Chyaloi nhkoi kaw nna shi a chyoi pra ai myihtoi ni a n-gup hte ga sadi jaw da sai hte maren,

KASA 1:11

“Galile masha ni e, nanhte dai kaw hpa rai tsap nga nna lamu de naw dawng yu nga myit ta? Dai Yesu gaw nanhte a man na sumsing lamu de shalun la ai zawn, dai hku bai du na ra ai,” ngu nna tsun mu ai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

KASA 3:20

Karai Kasang kaw na Wenyi n-gun atsam du yu wa ai aten ni du na ra ai rai nna Meshia ngu ai nanhte a matu san da ya ai Yesu hpe nanhte hpang de shangun dat na ra ai.

ROMA 8:21

Hpa majaw nga yang lani mi na nhtoi hta hpan da hkrum ai mungkan ga gaw hten za ngu ai a lata hta mayam tai nga ai kaw na raw dat ai hkrum nna Karai Kasang a kasha ni hte rau shalawt dat ai hte hpung shingkang hpe hkam la lu na ra ai.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

2 PETRU 3:2

Chyoi pra ai myihtoi ni moi shawng de tsun dan ai ga hpe mung, nanhte a kasa ni a lata hku nna hkye hkrang la ai Madu hkang da ai ga ni hpe mung ngai nanhte hpe bai myit dum shangun mayu nga nngai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”