KASA 3:19 - Jinghpaw Common Language Bible 2009

¹⁹ Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

Jinghpaw Hanson Version Bible

¹⁹ Dai re ai majaw, dai Madu kaw na ngwipyaw ai aten ladaw du ru ga hte,

KASA 3:19 ပူးပေါင်းရင်းမြစ်များ

SHAKAWN KUNGDAWN 103:12

Sinpraw gaw Sinna hte tsan gang nga ai zawn, shi anhte a yubak ni hpe anhte kaw nna shatsan kau ya mi ai.

SHAKAWN KUNGDAWN 51:13

Shaloi, yubak mara lu ai masha ni hpe na a hkang da ai tara lam ni hpe ngai sharin ya na nngai; shanhte gaw shi hpang de kayin wa na mara ai.

SHAKAWN KUNGDAWN 51:9

Nye a yubak ni hpe n mu lu u ga, na a myi ni hpe di da u; nye a n hkru n shawp ai lam yawng hte hpe arut kau ya e.

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 61:9

Shanhte gaw masha amyu baw ni a lapran e gumhkawng na mara ai; Shanhte hpe mu ai masha shagu hte gaw shaman chyeju hkam la nga sai amyu masha ni rai nga masai hpe chye wa na mara ai,” ngu nna tsun ai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

YEREMIA 50:20

Dai nhtoi du jang, ngai ngam tawn da ai ndai amyu masha ni a mara ni hpe raw dat ya na nngai majaw, Israela amyu masha ni hta hpa yubak mung mu lu na ra ai n rai. Yuda ni hta mung n hkru n shawp ai amu hpa mung kap na ra ai n rai. Dai Madu ngai nan tsun ni ai,” ngu nna tsun ai.

SHARUNG SHAYAWT 3:40

Anhte hkan nga ai lam ni hpe sagawn yu ga; dai Madu hpang de nhtang kayin wa ga.

SHARUNG SHAYAWT 5:21

Madu e, anhte hpe nang hpang de nhtang woi la mi! Anhte hpe nhtang woi la mi! Moi na anhte a arawng sadang hpe bai jaw ya mi!

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

Daniela 9:13

Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

YOELA 2:13

Nanhte a yawn hkyen ai hpe madun dan lu hkra nanhte a myit masin agrawp shadaw kau mu; hpun palawng gang je kau ai hte sha ram ai n rai,” ngu nna tsun wu ai. Dai Madu nanhte a Karai Kasang hpang de nhtang wa marit. Shi gaw matsan chye dum ai hte n-gaw n wai ai myit hpring hkra rawng nga ai; shi gaw myit galu kaba ai hte shi a ga sadi ni hpe shatup nga ai; shi gaw ari jaw na matu n rai, mara dat ya na matu, tut nawng jin jin rai nga ai wa rai nga ai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

LUKA 1:16

Israela kashu kasha ni law law hpe, shanhte a Madu Karai Kasang hpang de shi kayin wa shangun na mu ai.

LUKA 22:57

Rai ti mung Petru gaw, “Num nang e, dai wa hpe ngai n chye nngai,” ngu nna nyet kau wu ai.

KASA 1:6

Kasa ni Yesu hte rau hkrum zup nna hpawng nga ma yang, shanhte gaw, “Madu e, ndai aten e, Israela amyu masha ni hpe dai Mungdan bai de ya na rai sani?,” ngu nna shi hpe san mu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 17:26

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 28:27

hpa majaw nga yang, ndai amyu gaw myit mak nga nna, shanhte a na lahpang nga ai hte shanhte a myi pat da nga ma lu ai. Lama wa shanhte a myi mu lu nna, shanhte a na na lu ai hte, shanhte a myit hta chye na ai rai yang gaw, shanhte ngai hpang de kayin wa na ma ai rai nna, ngai mung shanhte hpe shamai shatsai ya na ma we ai,’ nga nna Karai Kasang tsun ai,” ngu mu ai.

KASA 3:20

Karai Kasang kaw na Wenyi n-gun atsam du yu wa ai aten ni du na ra ai rai nna Meshia ngu ai nanhte a matu san da ya ai Yesu hpe nanhte hpang de shangun dat na ra ai.

KASA 3:21

Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang tsun da sai hte maren, nga yawng nga pra hpe nnan bai gram ai prat du hkra Yesu gaw sumsing lamu e nga nga lu na rai nga ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.