KASA 3:16 - Jinghpaw Common Language Bible 2009

¹⁶ Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.

Jinghpaw Hanson Version Bible

¹⁶ Shi a amying ningsang hpe kamsham ai a marang e, shi a amying nan, ndai nanhte mu chye ai wa hpe n-gun shaja nu ai; rai sa, shi kaw na makam masham gaw, ndai wa hpe, nanhte yawng a man e, hkum hkum shamai tawn nu ai.

KASA 3:16 ပူးပေါင်းရင်းမြစ်များ

MAHTE 14:29

Shi gaw, “Sa rit!,” ngu wu ai. Dai rai nna Petru gaw, li hta na yu hkrat nna, hka ntsa e hkawm let, Yesu hpang de sa wa ai.

MAHTE 9:22

Yesu mahtang kayin yu nna shi hpe mu wu yang, “Shayi sha e, ngwi pyaw nga n ga, na a kam sham ai gaw nang hpe shamai ya nit dai,” ngu wu ai. Dai ahkying kaw nna nan dai numsha mai mat nga ai.

YAWHAN 14:12

Nanhte hpe ngai kaja wa teng teng tsun made ai gaw, ngai hpe kam sham ai wa gaw, ngai galaw ai amu lu galaw na ra ai, rai sa, dai hta grau kaba ai amu mung lu galaw na ra ai; hpa majaw nga yang, ngai gaw Wa hpang de wa na nngai.

YAWHAN 7:23

Mawshe a Tara n hten mat u ga matu, nanhte gaw la kasha langai mi hpe Bansa Nhtoi hta matu gadoi lam jaw myit dai mi, Bansa Nhtoi hta masha hkum ting hpe ngai shamai ya ai majaw, nanhte ngai hpe hpa rai masin pawt bu nga myit ta?

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

KASA 16:18

Dai numsha gaw dai zawn nhtoi law law ya wa marawn jahtau htau re ai majaw Pawlu myit n pyaw nna, kayin nhtawm, dai nat hpe, “Yesu a mying nsang hte ngai nang hpe hkang da de ga, shi kaw na pru mat u!,” ngu wu yang dai shaloi jang numsha kaw na pru mat wa ai.

KASA 3:6

Petru chyawm gaw shi hpe, “Ja, gumhpraw gaw ngai n lu nngai; rai ti mung ngai lu ai nang hpe jaw de ga, Nazaret wa Yesu Hkristu a mying nsang hte rawt hkawm wa u!,” ngu nna tsun wu ai.

KASA 3:8

Shing rai shi gumlawt rawt nna shi a lagaw hte hkawm sa yu wu ai. Dai hpang shi gaw shan hte rau lam hkawm gumlawt let Karai Kasang hpe shakawn kungdawn nna Htingnu de shang wa ai.

KASA 4:10

nanhte nlang hte Israela amyu masha yawng chye ang myit dai, nanhte wudang hta jen sat kau nna Karai Kasang e jasi ni kaw na jahkrung sharawt la ai, Nazaret wa Yesu Hkristu a mying nsang hta ndai wa hkrak sha mai tsai mat nna nang kaw nanhte a man e tsap nga ai.

KASA 4:30

Machyi makaw mai tsi hkra na a lata ladawn nna, na a chyoi pra ai Shangun Ma Yesu a mying hte lamik kum la hte mau hpa amu ni hpe byin shangun u law,” nga nna akyu hpyi ma ai.

KASA 4:7

Shanhte gaw kasa yan hpe shanhte a man e shatsap tawn da nna, “Taw nan gaw, hpa atsam, gade a mying hte ndai amu galaw myit ta?,” ngu nna san mu ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.