KASA 3:1 - Jinghpaw Common Language Bible 2009

¹ Lani mi na Petru hte Yawhan gaw akyu hpyi ai ten shana de hkying masum hta Nawku Htingnu de lung wa ma ai.

Jinghpaw Hanson Version Bible

¹ Ya Petru yan Yawhan gaw, ahkying jahku na akyu hpyi ai ladaw hta, nawku Htingnu de lung wa ma ai.

KASA 3:1 ပူးပေါင်းရင်းမြစ်များ

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

SHAKAWN KUNGDAWN 55:17

Jahpawt manap, shani ka-ang hte shana na aten ni hta, nye a hpyi aput ai hte madai ai nsen gaw shi kaw hkrang lung wa ai; shi gaw nye a nsen hpe na ya na ra ai.

PRU MAT 29:39

Dai hpe jahpawt e langai mi, shana de langai mi nawng jau na rai nga ai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

BU HKAWM 28:4

Sagu la kasha langai mi hpe jahpawt e mung, bai langai mi hpe shana de di nna,

MAHTE 17:1

Ya kru ya na jang, Yesu gaw Petru, Yaku hte shi a kanau Yawhan hte hpe shaga la nhtawm, tsaw ai bum ntsa e kaga lak shanhte hpe woi lung mu ai.

MAHTE 26:37

Shaloi Petru hte Zebedi a kasha yan hpe shi hte rau shaga woi sa mat wa ai. Shi gaw yawn hkyen hkrum nna, myit ru myit tsang grai byin nga ai.

MAHTE 27:45

Shani ka-ang jan pungding madi ai ten kaw nna shana de hkying masum du hkra, mung ting hta e nsin sin chyip rap rai mat ai.

LUKA 1:10

Dai manam pyaw ai baw nat nawng nga ai ahkying hta, nawku ai shawa masha ni nlang hte gaw, shinggan e akyu hpyi let nga nga ma ai.

LUKA 18:10

“Kalang mi na masha lahkawng akyu hpyi na nga, Nawku Htingnu de lung wa ma ai; langai wa gaw Hparishe rai nna, langai mi gaw kang hta ai wa, rai nga ai.

LUKA 22:8

Yesu gaw, Petru yan Yawhan hpe, “Anhte sha na matu Shalai wa ai Poi hpe sa shachyip lajang magang mu,” ngu nna shangun dat mu ai.

LUKA 24:53

Karai Kasang hpe shakawn kungdawn let, Nawku Htingnu e, tut nawng anga nga ma ai.

YAWHAN 21:7

Shaloi Yesu tsaw ra ai sape gaw, “Madu she rai nga ai!,” ngu nna Petru hpe tsun wu ai. Madu she rai nga ai, nga ai ga hpe Petru na jang, (shi singgu krin rai nga ai majaw) ntsa palawng hta lawai nna, hka de gumhtawn bang wu ai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 3:3

Petru yan Yawhan dai htingnu de shang wa nga ma ai hpe shi mu nna hkap hpyi nga ai.

KASA 3:4

Shan chyawm gaw shi hpe jawm azi yu nna Petru gaw, “An hpe mada yu mi!,” ngu wu ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 5:25

Dai hpang masha langai mi shang wa nna, “Madat yu mu! Nanhte htawng hta e rawng da ai ni gaw Nawku Htingnu hta e masha ni hpe sharin shaga nga ma ai!” ngu nna shanhte hpe tsun dan mu ai.

KASA 8:14

Samari masha ni, Karai Kasang a mungga hta la ma ai lam Yerusalem e nga ai Kasa ni na ma yang, shanhte gaw Petru hte Yawhan hpe shangun dat mu ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.