KASA 28:7 - Jinghpaw Common Language Bible 2009

⁷ Ya dai shara hte nau wa n tsan ai shara hta zunlawng up ai Popli agyi kaba wa madu ai lamu ga ni nga shajang nga ai. Dai wa gaw anhte hpe matsan dum ai hte hkap hkalum la nna masum ya tup anhte shi a manam tai ga ai.

Jinghpaw Hanson Version Bible

⁷ Ya, dai makau hkan e, Popli ngu ai zunlawng agyi wa a ga dachyawk ni nga shajang nga ai: dai wa gaw anhte hpe hkap hkalum la nna, masum ya tup jinghku myit hte manam daw mi ai.

KASA 28:7 ပူးပေါင်းရင်းမြစ်များ

KASA 28:2

Dai zunlawng na buga masha ni anhte hpe grai wa hku hkau matsan dum ma ai. Marang htu nna kashung nga ai majaw, shanhte wan wut nna anhte yawng hpe hkalum la mi ai.

KASA 23:24

Dai hta kaga Pawlu jawn na gumra byau ya nna munggyi Hpilik hpang de du hkra ashim sha sa sa dat mu, ngu nna hkang dat wu ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 13:7

Dai wa gaw Sergiu Pawlu ngu ai myit kunghpan ai munggyi wa a jinghku langai mi rai nga ai. Dai munggyi wa gaw Karai Kasang a mungga madat la mayu nna Barnaba yan Pawlu hpe shi a man de shaga jashawn mu ai.

KASA 28:6

Shanhte gaw shi hkum bum wa na ra ai, shing n rai shi jahkring sha hta kadawng si na ra ai, nga nna la yu nga ma ai. Rai ti mung shanhte na na wa la yu nga ma yang, shi hta hpa mung n byin wa ai hpe mu jang shanhte myit bai galai nna ndai wa gaw, “Hpara langai mi she rai nga ai,” nga nna bai tsun ma ai.

KASA 28:8

Popli a kawa gaw, hkali hte kan hkyeng ana byin nna yup ra hta taw nga ai. Pawlu gaw dai wa kaw shang nna akyu hpyi ai hte shi a ntsa e lata mara ya nna, shi hpe shamai ya wu ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.