Masum ya laman ngu na shata jahku a hkun ya shani e, Yuda hte Benyamin lamu ga hta nga nga ai lasha ni yawng Yerusalem mare de sa nna, Nawku Htingnu a dam lada ai ndaw yang e zup hpawng ma ai. Shaloi, du hkra ladaw a majaw marang ja ja htu nga ai rai nna ahkyak ai zuphpawng hta shang lawm nga ai masha shagu hte wa gari ashun nga ma ai.
KASA 28:2 - Jinghpaw Common Language Bible 20092 Dai zunlawng na buga masha ni anhte hpe grai wa hku hkau matsan dum ma ai. Marang htu nna kashung nga ai majaw, shanhte wan wut nna anhte yawng hpe hkalum la mi ai. အခန်းကိုကြည့်ပါ။Jinghpaw Hanson Version Bible2 Dai yang na karing karang masha ni anhte hpe grai wa matsan dum nna, marang a htu nga ai hte kashung ai majaw, wan wut nna, anhte nlang hte hpe hkap hkalum la mi ai. အခန်းကိုကြည့်ပါ။ |
KASA 28:2
19 ပူးပေါင်းရင်းမြစ်များ
Zunlawng na buga masha ni Pawlu lata hta kawa noi nga ai lapu hpe mu ma yang, “Gaja wa nan, ndai masha wa gaw masha sat ai wa langai mi rai teng sam ai. Panglai hta n si n mat asak lawt lu ti mung teng man ai tara gaw shi hpe asak hkrung nga na ahkang n jaw da wu hka!,” nga nna shada da tsun shajang ma ai.
Nang gaw dai ka da ai jep ai Tara hku nna matu gadoi ai hking hkam la ai wa rai nga nhtawm me Tara tawt lai ai wa rai nga ndai majaw maigan masha ni nanhte Yuda masha ni hpe tara dara na mara ai. Shanhte gaw hkum shan hte seng ai matu gadoi hking n hkam la ma ai rai ti mung, jep ai Tara hpe gaw hkan shatup ma ai.
De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.
ကြော်ငြာတွေ