KASA 28:1 - Jinghpaw Common Language Bible 2009

¹ Shing rai anhte ashim sha hkarang kawng de du ai shaloi she, zunlawng dai Melite ngu ai zunlawng rai nga ai hpe anhte chye ga ai.

Jinghpaw Hanson Version Bible

¹ Shing rai anhte, kaw lawt lu jang she, zunlawng dai Melite ngu ai zunlawng rai nga ai hpe, anhte chye gaw ai.

KASA 28:1 ပူးပေါင်းရင်းမြစ်များ

KASA 13:6

Ya shanhte gaw dai zunlawng ting ga hkawm sa wa nna Pahpu mare du ma yang Bara-Yesu mying ai Yuda masha rai nga ai lakle sara mung rai, masu ai myihtoi mung rai, re ai wa hpe mu hkrup ma ai.

KASA 16:10

Pawlu dai shingran mu ai shaloi jang, Makedoni mung de rap sa wa na matu anhte hkyen lajang shajin ga ai, hpa majaw nga yang, Makedoni mung masha ni hpe dai Kabu Gara Shiga hkaw tsun dan na matu Karai Kasang anhte hpe shaga ai rai sai, ngu nna kam sham ai myit hte daw dan ai majaw rai nga ai.

KASA 27:1

Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.

KASA 27:26

Rai ti mung anhte a sanghpaw li gaw zunlawng langai hta mara mat na ra ai ngu nna shanhte hpe shalan mu ai.

KASA 27:39

Nhtoi htoi jang, sanghpaw la ni gaw, shanhte kanang yang du taw nga ai hpe n chye sawn la ti mung, panglai hpung gaw zaibru jang langai mi hpe mu mada nna, byin mai yang dai zaibru jang ntsa de sanghpaw li hpe gawt mara na myit daw dan ma ai.

KASA 27:44

Dai hpang ngam ai ni hpe hpun pyen pa ni shing n rai sanghpaw hten mat ai achyen achya ni hta noi nna rap wa na hkang da mu ai. Shing rai anhte nlang hkarang de kaw nna ashim sha lawt lu ga ai.