KASA 27:5 - Jinghpaw Common Language Bible 2009

⁵ Dai hpang Kiliki mung hte Pamhpuli mung na panglai hpe rap di sa wa yang Luki mung na Mura mare de du ga ai.

Jinghpaw Hanson Version Bible

⁵ Kiliki hte Pamhpuli mung na nawng makau hku rap tawng yang, Luki mung na Mura mare de du ga ai.

KASA 27:5 ပူးပေါင်းရင်းမြစ်များ

KASA 13:13

Pawlu hte shi a manang ni gaw Pahpu mare kaw nna li jawn nhtawm Pamhpuli mung na Perga mare de du wa ma ai. Yawhan Marku chyawm gaw shanhte hte hka nna Yerusalem mare de nhtang mat wa wu ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:38

Rai ti mung Pawlu mahtang gaw, “Shi Sasana hkrun lam htum hkra shan hte rau n hkan hkraw ai, Pamhpuli mung e shan kaw na pru mat wa ai wa re ai majaw woi hkawm na matu n hkrak ai nga nna n shalawm mayu wu ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 2:10

Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni,

KASA 21:39

Pawlu gaw, “Ngai Kiliki mung na Tarshu mare hta shangai ai, grai ahkyak ai mare kaba na Yuda masha langai mi rai nngai. Chyeju hte ndai masha ni hpe ga shaga na ahkang jaw e,” ngu nna hpyi nem wu ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 6:9

Rai ti mung Kureni mung hte Alexandru mare na Yuda ni lawm ai ‘Shanglawt’ ngu ai tara jawng hte seng ai ni, bai, shanhte hte rau Kiliki hte Asi kaji mung na Yuda amyu masha nkau mi rawt nna Stehpan hte ndang kalang hkat hpang wa ma ai.

GALATI 1:21

Dai hpang e Suri mung hte Kiliki ginwang hkan e ngai sa du nngai.