KASA 27:41 - Jinghpaw Common Language Bible 2009

⁴¹ Rai ti mung sanghpaw li gaw hka tang ai shara de du nna zaibru jang hkin-gau hta wa ahtu nhtawm mara chyat mat ai; sanghpaw li baw daw zaibru jang hta jung mat nna n shamu lu ai hte mai daw hpe ja la ai hkaleng kayat ai majaw achyen chyen rai hten agrawp mat wa ai.

Jinghpaw Hanson Version Bible

⁴¹ Rai timung, zaini hkindawt langai mi kaw li wa chyat mat nna, li baw de n shamu lu ai hte, li mai de hka leng kayat ai majaw, agrawp mat wa ai.

KASA 27:41 ပူးပေါင်းရင်းမြစ်များ

1 HKAWHKAM 22:48

Hkawhkam Yehoshahpat gaw nammukdara ntsa hkawm ai sanghpaw li ni hpe shachyaw nhtawm Ohpira mung na ja sa htaw la na nga pru sa wa wu ai; rai ti mung Eziongebera shara e daw agrawp mat nna, galoi mung n pru sa lu nga sai.

2 HKAWHKAM LABAU 20:37

Rai ti mung Maresha mare na Dodawahu a kasha Elieza gaw Yehoshahpat hpe, “Ahazia hte jinghku galaw ndai majaw nang galaw da sai amu hpe dai Madu jahten kau ya na ra ai,” ngu nna sadi jaw wu ai. Shaloi dai sanghpaw li ni daw agrawp mat ai rai nna galoi mung n pru sa lu nga sai.

EZEKELA 27:26

Na a li shap ai ni nang hpe panglai hka de woi sa wa ai shaloi, Tsan la ai hkarang de na bung wa ai sinpraw nbung gaw nang hpe agrawp kau nit dai.

EZEKELA 27:34

Ya chyawm gaw, panglai ka-ang e agrawp daw mat ai nang hkrum nga ndai; Nang gaw nammukdara a sung ai shara de lup mat nit dai. Na a hpaga gun rai ni hte na a matu hpaga amu galaw ya ai ni yawng gaw Nang hte rau panglai ka-ang e htum mat manit dai.’

KASA 27:17

Sanghpaw la ni dai li hpe garawt mara la nhtawm sumri hte sanghpaw kan hpe bat nna ngang hkra li hpe hkang shakap da ma ai. Bai shanhte gaw Libya hkin-gau na Surti ngu ai zaibru jang hta sanghpaw li mara mat na tsang ai majaw de a sumpan ni hpe shayu kau nna nbung yawng ai maga de tsawt nang ga ai.

KASA 27:30

Dai hpang sanghpaw la ni gaw sanghpaw baw na hpri chyinghkyi nkau mi jahkrat na zawn di masu nhtawm asak hkye li jahkrat nna rawt hprawng na maw nga ma ai.

KASA 27:40

Dai rai nna shanhte hpri chyinghkyi ni hpe dan di nna panglai hta jahkrat kau da mu ai, bai li hkang ai lasham sumri ni hpe mung raw nna sanghpaw li baw de na sumpan sharawt shachyen nhtawm dai zaibru jang de hkang wa ma ai.

KASA 27:42

Shaloi hpyen ma ni gaw bawng ni hpungyawt rap nna hprawng lawt na hpe tsang ma ai majaw dai hpe makawp maga na matu shanhte hpe sat kau na hkyen nga ma ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.