KASA 27:40 - Jinghpaw Common Language Bible 2009

⁴⁰ Dai rai nna shanhte hpri chyinghkyi ni hpe dan di nna panglai hta jahkrat kau da mu ai, bai li hkang ai lasham sumri ni hpe mung raw nna sanghpaw li baw de na sumpan sharawt shachyen nhtawm dai zaibru jang de hkang wa ma ai.

Jinghpaw Hanson Version Bible

⁴⁰ Shaloi hpri chyinghkyi ni hpe shanhte raw nna nammukdara e kau da mu ai; li hkang ai lasham sumri hpe mung raw nna, li baw de na dawnghkawn sumpan sharawt nhtawm, dai zaibru jang de hkang wa ma ai.

KASA 27:40 ပူးပေါင်းရင်းမြစ်များ

MAHTE 4:18

Ya, Yesu Galile nawng makau e garet hkawm nga yang, shan nau rai nga ai nga hkan sha ai masha marai lahkawng, Petru ngu ai Simun hte shi a kanau Andre yan gaw, shan a sumgawn langai mi hte nawng hta e nga hkan nga ma ai hpe shi mu hkrup wu ai.

KASA 27:17

Sanghpaw la ni dai li hpe garawt mara la nhtawm sumri hte sanghpaw kan hpe bat nna ngang hkra li hpe hkang shakap da ma ai. Bai shanhte gaw Libya hkin-gau na Surti ngu ai zaibru jang hta sanghpaw li mara mat na tsang ai majaw de a sumpan ni hpe shayu kau nna nbung yawng ai maga de tsawt nang ga ai.

KASA 27:41

Rai ti mung sanghpaw li gaw hka tang ai shara de du nna zaibru jang hkin-gau hta wa ahtu nhtawm mara chyat mat ai; sanghpaw li baw daw zaibru jang hta jung mat nna n shamu lu ai hte mai daw hpe ja la ai hkaleng kayat ai majaw achyen chyen rai hten agrawp mat wa ai.