KASA 27:23 - Jinghpaw Common Language Bible 2009

²³ Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

Jinghpaw Hanson Version Bible

²³ Kaning rai nme nga yang, ngai hpe up hkang nna, ngai daw jau ai Karai Kasang a lamu kasa langai mi, mana e nye a makau e sa tsap nna,

KASA 27:23 ပူးပေါင်းရင်းမြစ်များ

SHAKAWN KUNGDAWN 116:16

Madu e, ngai gaw na a shangun ma wa rai nga nngai; nye nu galaw daw ai zawn ngai nang hpe daw jau nga na nngai. Nang ngai hpe si ai kaw na hkye hkrang la nit dai.

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 143:12

Ngai hpe nang tsaw ra nga ndai majaw nye a gumlau hpyen ni hpe shamyit kau u, ngai gaw na a shangun ma wa rai nga nngai majaw, ngai hpe dip gamyet sha nga ai ni yawng hte hpe shamyit kau u law.

PRU MAT 19:5

Ya chyawm gaw nanhte nye a ga madat nna, nye a ga shaka hpe mung shadik shatup myit dai rai yang, nye a amyu masha majing tai na myit dai. Lamu ga ting nye a rai nga li ai, nanhte mahtang ngai lata la ai amyu masha ni tai na rai myit dai,

Shawlumon A Mahkawn Ga 2:16

Ngai tsaw ra ai wa gaw nye a matu rai nga ai, ngai mung shi a matu rai nga nngai. Shi gaw hkalaw prang yang e shi a sagu hpung hpe

Shawlumon A Mahkawn Ga 6:3

Nye a tsaw ra wa gaw nye a matu rai nna ngai gaw shi a matu rai nga nngai; shi gaw shi a yam nga hpung hpe hka law pan prang yang hkan e shayaw nga ai.

ESAIA 44:21

Dai Madu gaw, “Israela e, ndai lam hpe dum u; nang gaw nye a shangun ma rai nga ai hpe dum u. Ngai gaw nang hpe nye a shangun ma tai na matu hpan da nngai, ngai gaw nang hpe galoi mung malap kau na n rai.

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YEREMIA 32:38

Shing rai, shanhte gaw nye a amyu tai nna, ngai gaw shanhte a Karai Kasang tai nga na nngai.

EZEKELA 36:38

Madat da ai poi aten hta shagu hkungga ni hpe nawng ya na matu lai sai aten hta sagu ni hte hpring nga ai zawn, ya aten e, hten run mat sai mare ni mung amyu masha ni hte hpring nga na mara ai. Dai shaloi, shanhte gaw ngai nan dai Madu rai nga nngai hpe chye lu na mara ai,” ngu nna tsun ai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 3:26

Dai rai nna Nebuhkadneza gaw grung nga ai wan htung chyinghka lam de sa wa nhtawm, “Shadrak! Meshak! Abednego! Tsaw Htum ai Karai Kasang a shangun ma ni e, pru wa marit!,” ngu nna jahtau tsun wu ai. Shanhte mung kalang lata pru wa ma ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 6:16

Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.

Daniela 6:20

Shi gaw dai shara de du jang, myit tsang ai hte, “Ja e, ahkrung nga ai Karai Kasang a shangun ma Daniela e! Nang sadi grai dung let daw jau ai Karai Kasang gaw hkanghkyi ni kaw na hkye hkrang la lu nga a ni?,” ngu nna jahtau tsun wu ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MALAHKI 3:17

“Chyahtum Chyalai N-gun rawng ai dai Madu gaw, “Shanhte gaw nye a amyu masha ni tai na mara ai. Dai amu hpe ngai galaw ai shani hta, shanhte gaw ngai madu ai ni tai wa na mara ai. Kawa gaw shi hpe daw jau ai shadang sha hpe matsan dum ai zawn ngai mung shanhte hpe matsan dum na nngai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

KASA 18:9

Lana mi hta Pawlu shingran langai mi mu wu ai. Dai shingran hta Madu gaw Pawlu hpe, “Hkum hkrit et, sha tsun dingyang di u, asum hkum hkam et!

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

KASA 8:26

Ya dai Madu a lamu kasa langai mi Hpilip hpe tsun wu ai gaw, “Rawt u, Yerusalem kaw nna Gaza de sa wa ai lam pru hkra dingda de tawk sa wa su,” ngu wu ai. (Dai lam gaw dai ni n lang mat sai nam mali lam rai nga ai.)

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

TARA JAHPRANG 32:9

rai ti mung shi chyawm gaw Yaku amyu matu mara ni hpe shi a matu lata la nu ai.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

2 TIMOHTI 2:24

Dai Madu a shangun ma chyawm gaw ga law ga la n mai nga ai; shi gaw masha yawng hpe matsan dum chye ai kaja ai hte myit galu nna sharin achyin chye ai sara rai ra ai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.