KASA 27:18 - Jinghpaw Common Language Bible 2009

¹⁸ Hpang shani mung nbung laru matut nna ja nga ai majaw li hta na hpaga rai nkau mi hpe hka de htawm jahkrat bang kau mu ai.

Jinghpaw Hanson Version Bible

¹⁸ Nbung laru nau nan ja la ai majaw, hpang shani e li hta na hpaga rai ni htawm jahkrat kau mu ai:

KASA 27:18 ပူးပေါင်းရင်းမြစ်များ

SHAKAWN KUNGDAWN 107:27

Shanhte gaw chyaru nang ai ni zawn ndi nda rai hkawm nna; shanhte a kung kyang ai hpaji nlang mung kaman lila rai mat manu ai.

YONA 1:5

Sanghpaw masha ni hkrit kajawng mat nna tinang nang a hpara shagu kaw karum la na matu hpyi jahtau ma ai. Dai hpang sanghpaw li n lup mat u ga, ntsa na arai ni hpe panglai hta kabai bang kau ma ai. Shing rai galaw nga yang, Yona gaw sanghpaw li a kata gawk de shang nna kaleng yup pyaw nga ai.

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

LUKA 12:23

Asak gaw lusha hta grau ahkyak nga ai hkum hkrang gaw bu hpun palawng ni hta grau ahkyak nga ai.

LUKA 16:8

Ndai zawn, bawnu shachyai nna hpaji hte chye galaw ai majaw, madu gaw kunhting wa hpe shakawn wu ai, hpa majaw nga yang, ndai mungkan ga a kashu kasha ni gaw, shanhte a mungkan amu magam lam galaw gun hpai sa wa ai hta, nhtoi hte seng ai kashu kasha ni hta grau nna hpaji rawng nga ma ai.”

KASA 27:19

Masum ya ngu na shani sanghpaw li hte seng ai arung arai daw chyen mi hpe htawm jahkrat kau mu ai.

KASA 27:38

Masha shagu hkru hkra sha ngut jang shanhte hkaulan n-gu ni hpe hka de kabai bang kau ai hte sanghpaw li hpe shatsang mu ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.