KASA 27:10 - Jinghpaw Common Language Bible 2009

¹⁰ Pawlu gaw, “Hkau hte e, anhte ndai shara kaw nna panglai hkrun lam hkawm na ga yang, grai hkrit tsang shara nga na rai nna sanghpaw li hte gun rai ni hten za lam kaba hkrum na ra ai hta n ga, anhte a asak pyi sum na lam ngai mu nngai,” ngu nna shanhte hpyi tsun shadum wu ai.

Jinghpaw Hanson Version Bible

¹⁰ Pawlu gaw, “Hkau ni e, ya hkawm yang, yak la nna ali hte arai ni sum na hta n-ga, anhte a asak pyi sum na zawn nawn da we ai,” ngu nna shanhte hpe tsun shadum wu ai.

KASA 27:10 ပူးပေါင်းရင်းမြစ်များ

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

Daniela 2:30

Ya chyawm gaw, ndai makoi magap ai lam ngai hpe madun dan nga sai, ngai gaw kaga masha hta grau hpaji chye ai majaw n rai, rai ti mung madu hkawhkam na a yup mang a lachyum ni hpe chye la lu nna nang kaw rawng ai myit mang lam ni hpe chye na lu na rai ndai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

KASA 27:31

Pawlu mahtang hpyen du wa hte hpyen la ni hpe, “Dai sanghpaw la ni sanghpaw ntsa e n nga sa yang gaw nanhte nan asak lawt lu na, myit mada shara nga sana n rai,” ngu mu ai.

KASA 27:34

Dai re ai majaw, lusha lama ma sha mu, dai gaw nanhte hkrung nga na matu ra ahkyak ai lam rai nga ai. Nanhte a kara singgawng langai mi pyi sum hkrum na n rai, ngu nna shalan wu ai.

1 PETRU 4:18

Chyum Laika hta, “Kaja ai masha ni a matu hkye hkrang la hkrum na matu yak la a yang gaw, tara n hkan ai yubak lu ai ni gaw hpa byin sana kun?,” nga nna tsun ai.