KASA 27:1 - Jinghpaw Common Language Bible 2009

¹ Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.

Jinghpaw Hanson Version Bible

¹ Ya, anhte hpe Itali mung de li hte sharap sa wa na myit shatawng da ngut jang, shanhte Pawlu hte kaga bawng ni nkau mi hpe, Agustu hpyen dap hte seng ai, Yuli ngu ai hpyen du a lata hta ap dat mi ai.

KASA 27:1 ပူးပေါင်းရင်းမြစ်များ

NINGPAWT NINGHPANG 50:20

Nanhte ngai hpe n hkru ai hku gaw maw manit dai; rai ti mung byin lai wa sai lam ni a majaw dai ni du hkra masha law law a asak hpe jahkrung ya na matu Karai Kasang dai hpe mai kaja ai lam hku galaw nu ai.

SHAKAWN KUNGDAWN 33:11

Rai ti mung, shi a yaw shada ai lam ni gaw htani htana agrin nga ai; shatawng shada ai lam ni mung prat dingsa anga nga ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

SHARUNG SHAYAWT 3:27

Anhte a ram prat e, ndai myit galu ai hpe sharin la na gaw mai kaja htum nga ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

LUKA 7:2

Dai mare kaw nga ang ai Roma hpyen du langai mi hta, shi grai tsaw ra ai shangun ma langai mi nga ai. Dai wa gaw machyi nna si wa magang nga ai.

KASA 10:1

Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 16:10

Pawlu dai shingran mu ai shaloi jang, Makedoni mung de rap sa wa na matu anhte hkyen lajang shajin ga ai, hpa majaw nga yang, Makedoni mung masha ni hpe dai Kabu Gara Shiga hkaw tsun dan na matu Karai Kasang anhte hpe shaga ai rai sai, ngu nna kam sham ai myit hte daw dan ai majaw rai nga ai.

KASA 18:2

Dai mare hta Pontu mung e shangai ai Akula mying ai Yuda la langai mi hte hkrum wu ai; Dai wa gaw, Yuda masha nlang Roma mare na pru wa lu na nga nna Hkawseng Klawdi mungga shapraw dat ai majaw, madu jan Priskila hte rau Itali mung na htawt wa ai gade garai n na yang,

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 21:32

Shaloi jang hpyen du kaba wa gaw hpyen du nkau mi hte hpyen la ni hpe shaga woi nna shawa hpawng kaba de gat bang wa ma ai. Shanhte gaw dap up du kaba hte hpyen ma ni hpe mu jang Pawlu hpe kayat ai jahkring kau ma ai.

KASA 22:26

Hpyen du wa dai na jang, hpyen du kaba kaw wa nna, “Nang hpa galaw maw nga n ta? Dai wa gaw Roma mungchying sha rai nga ai!,” ngu nna shana ya wu ai.

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.

KASA 23:17

Pawlu mung hpyen dap kung langai mi up ai hpyen du wa hpe shaga la nna, “Ndai ma hpe dap up du kaba wa hpang de woi wa ya e; shi lama mi tsun mayu ai da,” ngu dat dat wu ai.

KASA 24:23

Bai Hpilik gaw Pawlu hpe sin langa hte di nna sin da na hte shi a jinghku jingyu ni hku nna Pawlu a ra kadawn ai lam ni hpe sa galaw daw ya lu na shanglawt ahkang loi li jaw da na lam hpyen latsa up ai du wa hpe hkang da wu ai.

KASA 25:12

Dai shaloi Hpestu gaw, shi a mung bawng salang ni hte bawngban ngut jang, “Nang Kehta kaw sa na hpyi nit dai rai nna, Hkawseng kaw sa lu na re,” ngu nna htan wu ai.

KASA 25:25

Rai ti mung, ndai wa hta sat kau ging ai mara hpa mung ngai n mu we ai. Shi nan Hkawseng kaw du na hpyi ai majaw sa dat na ngai myit daw dan da se ai.

KASA 27:11

Rai ti mung hpyen du wa gaw Pawlu a ga hta li hkang ai wa a ga hte sanghpaw li madu tsun ai ga hpe mahtang grau nna kam mat wu ai.

KASA 27:43

Rai ti mung, dap up du wa gaw, Pawlu hpe hkye la mayu nna hpyen la ni maw ai hpe hkum kau nhtawm, shing rai na malai hka hpungyawt chye ai ni yawng sanghpaw ntsa na shawng gumhtawn hkrat nna hkarang de kaw pru wa na hkang da mu ai.

KASA 27:6

Dai shara e hpyen du wa gaw, Itali mung de rap sa wa hkyen nga ai Alexandru mare na sanghpaw li mu hkrup nna, dai hta e anhte hpe shashawn mi ai.

KASA 28:1

Shing rai anhte ashim sha hkarang kawng de du ai shaloi she, zunlawng dai Melite ngu ai zunlawng rai nga ai hpe anhte chye ga ai.

KASA 28:16

Ya anhte Roma mare de du jang, Pawlu gaw shi hpe sin ai hpyen ma ni hte rau kaga hkrai rai nga na, ahkang lu la wu ai.

HEBRE 13:24

Nanhte a lam woi ningshawng ni yawng hte hte, Karai Kasang a amyu masha ni yawng hpe shakram ya mi, Itali mung na hpu nau ni nanhte hpe shakram dat ma ai.