KASA 26:7 - Jinghpaw Common Language Bible 2009

⁷ Dai ga sadi gaw anhte a amyu dap shi lahkawng ting shani shana Karai Kasang hpe nawku daw jau let myit mada ala nga ai ga sadi rai nga ai. Hkawhkam wa e, ngai hpe Yuda amyu masha ni mara shagun ai lam gaw ndai zawn myit mada ai a majaw rai nga ai.

Jinghpaw Hanson Version Bible

⁷ dai ga ndat chyeju hkam la lu hkra nga, anhte a amyu shi lahkawng ting, shani shana Karai Kasang hpe jaw jau let, shaja nga ma ai: dai myit mada lam majaw, Hkawhkam wa e, Yuda masha ni ngai e mara shagun ma ai.

KASA 26:7 ပူးပေါင်းရင်းမြစ်များ

EZRA 6:17

Dai ap nawng hpawng a matu, shanhte gaw usu latsa, sagu lahkawng tsa, hte sagu kasha mali tsa hpe shagu hkungga shatai let, Israela amyu bawsang shagu a matu, mara raw hkungga shatai na bainam shi lahkawng hpe mung nawng jau ya ma ai.

EZRA 8:35

Bawng dung ai kaw nna nhtang wa sai ni yawng gaw Israela Karai Kasang a matu shagu hkungga nat na nga, hkungga ni hpe la sa shajang ma ai. Shanhte gaw Israela amyu ting a matu usu 12, sagu la 96 hte sagu kasha 77 nawng ya ma ai. Shanhte gaw yubak kaw na tinang hkum hpe jasan jaseng na matu bainam 12 hpe mung nawng ya ma ai. Ndai yam nga yawng hte gaw dai Madu a matu wan nat hkungga hkrai rai nga ai.

SHAKAWN KUNGDAWN 135:2

Dai Madu a nta wang hte anhte a Karai Kasang a Nawku Htingnu kata hta tsap nga ai Madu a shangun ma ni e, shi a mying nsang hpe shakawn mu.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

LUKA 22:30

Nye a mungdan hta, nye a sha ku e nanhte ngai hte rau lusha lu na marin dai hte tingnyang ni hta dung nna Israela amyu shi lahkawng hte hpe up nga lu na marin dai.

KASA 20:31

Dai re majaw, ngai nanhte mahkra hpe masum ning tup shani shana myi prwi law law hkrat nna sharin achyin shadum shahprang da ai hpe dum nna amaja nga mu.

KASA 24:15

Shanhte myit mada ai hte maren ngai mung kaja ai ni mi da, n kaja ai ni mi da, si ai kaw na bai hkrung rawt wa na mara ai ngu nna Karai Kasang hta myit mada nga nngai.

KASA 26:2

“Hkaw hkam Agripa e! Yuda masha ni ngai hpe shagun ai mara ni hte seng nna, na a man e ngai hta mara n nga ai lam, nye a hkum hpe makawp maga tsun lu ai gaw nye a matu laklai ai ahkaw ahkang nan rai nga ai ngu nna ngai nawn nngai.

KASA 26:3

Yuda amyu masha ni a htung hking lam ni hte dangrang hkat chye ai manghkang lam magup hpe nang grai chye ai wa rai nga ndai. Dai rai nna myit galu kaba ai hte ngai hpe madat ya na, ngai hpyi nem nngai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

HPILIPI 3:11

Shaloi she ngai gaw si ai ni a bai hkrung rawt na lam hta lawm lu na nngai ngu nna ngai myit mada nga nngai.

1 HTESALONI 3:10

Anhte gaw nanhte hpe myi man chyaw mu hkrum lu na hte, nanhte a makam masham hta naw ra nga ai hpe shatup shatsup na matu, anhte a myit masin yawng hte shani shana hpyi nem nga ga ai.

1 TIMOHTI 5:5

Masha shingtai rai nna shi hpe yu lanu lahku na kadai n nga ai gaida jan langai mi gaw, Karai Kasang hta myit mada kam hpa let shani shana akyu hpyi ai hte Karai Kasang kaw na karum ai lam hpyi lajin nga ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.