KASA 26:5 - Jinghpaw Common Language Bible 2009

⁵ Galoi mung shanhte ngai hpe chye nga ma ai majaw, anhte a nawku htung na ja dik ai tara hkan ai Hparishe hpung hta ngai lawm nga nngai gaw, shanhte sakse hkam mayu yang, hkam lu ma ai.

Jinghpaw Hanson Version Bible

⁵ Moi nna nye a lam chye ma ai majaw, anhte a nawku htung na ja grau ai Hparishe ngu ai hpung hta ngai lawm nga nngai gaw, shanhte sakse hkam mayu yang, hkam lu ma ai.

KASA 26:5 ပူးပေါင်းရင်းမြစ်များ

KASA 15:5

Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 24:14

Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.