KASA 26:3 - Jinghpaw Common Language Bible 2009

³ Yuda amyu masha ni a htung hking lam ni hte dangrang hkat chye ai manghkang lam magup hpe nang grai chye ai wa rai nga ndai. Dai rai nna myit galu kaba ai hte ngai hpe madat ya na, ngai hpyi nem nngai.

Jinghpaw Hanson Version Bible

³ Yuda masha ni ngai hpe shagun ai mara lam shagu hpe, dai ni na a man e mara raw ga tsun lu ai gaw, ngai hta a nga sai, ngu nna myit nga nngai law: dai rai nna, myit galu kaba ai hte ngai e madat mara ya na, ngai hpyi nem nngai.

KASA 26:3 ပူးပေါင်းရင်းမြစ်များ

YEREMIA 32:11

Dai hpang, ngai gaw mari la sai ga sadi laika kanan lahkawng rai nga ai ga sadi hte de a mabyin lam ni hpe ka da nna dazik dawk da ai kanan laika langai mi hte dazik hpa mung n dawk ai laika kanan langai mi hpe mung la nna,

KASA 21:21

Rai ti mung nang gaw, maigan mungdan ni hta nga jahkran nga ai Yuda masha ni yawng hpe tinang a kasha ni hpe matu n gadoi ra ai Yuda htung hking n hkan ra ai ngu nna Mawshe a jep ai Tara hpe kabai kau na hku sharin achyin ya ndai nga ai ga dai ni nlang na ma masai.

KASA 24:10

Munggyi wa lata dingsi nna, ga tsun na ahkang jaw wu yang, Pawlu gaw, “Nang gaw shaning law law na hkra ndai amyu a ntsa e tara agyi tai ya ai wa langai mi rai nga ai hpe ngai chye nngai. Dai majaw ngai hta mara n nga ai lam na a man e tsun dan lu ai majaw ngai kabu gara nga nngai.

KASA 24:4

Ngai gaw nang madu a aten hpe law law n la kau ya mayu nngai, dai rai nna, kadun ai hku anhte tang madun ai hpe matsan dum ai hte madat ya na ngai hpyi nem nngai.

KASA 25:26

Rai ti mung shi hte seng nna Hkawseng hpang de tup hkrak ka shana dat na hpa mung ngai n lu nngai. Dai rai nna ngai shi hpe nanhte a man e mung grau nna Hkawhkam Agripa a man de shaga shashawn ai lam gaw, shi hpe Hkawhkam wa jep san yu ngut jang, ngai ka shana dat na lam lama ma lu u ga matu rai nga ai.

KASA 26:2

“Hkaw hkam Agripa e! Yuda masha ni ngai hpe shagun ai mara ni hte seng nna, na a man e ngai hta mara n nga ai lam, nye a hkum hpe makawp maga tsun lu ai gaw nye a matu laklai ai ahkaw ahkang nan rai nga ai ngu nna ngai nawn nngai.

KASA 26:26

Hkawhkam Agripa e ndai amu lam ni hpe nang chye nga ndai majaw, na a man e ngai nden ja ai hte tsun dan nngai. Dai amu lam gaw shingjut shingnaw hkan e sha byin ai n re ai majaw dai byin mabyin hpe hkawhkam wa nang n chye ai mi n nga na re ngu nna ngai kam nga nngai.

KASA 26:7

Dai ga sadi gaw anhte a amyu dap shi lahkawng ting shani shana Karai Kasang hpe nawku daw jau let myit mada ala nga ai ga sadi rai nga ai. Hkawhkam wa e, ngai hpe Yuda amyu masha ni mara shagun ai lam gaw ndai zawn myit mada ai a majaw rai nga ai.

KASA 28:17

Masum ya nhtoi lai ai hpang, Pawlu gaw, dai buga na Yuda agyi salang ni hpe shaga jahpawng la wu ai. Shanhte du sa hpawng nga ma yang, shi gaw shanhte hpe, “Nye a hpu nau Israela amyu masha ni e, ngai gaw, nye a amyu hpe mung, ji wa ni a htung hking hpe mung, nhtan shai ai amu hpa mung n galaw yu nngai, rai ti mung Yuda amyu masha ni Yerusalem mare kaw ngai hpe rim la nhtawm Roma masha ni a lata de bawng masha langai mi hku ap kau ai ngai hkrum nngai.

KASA 6:14

Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

TARA JAHPRANG 17:18

Shi hkawhkam tai wa ai shaloi, Lewi hkinjawng ni kyem mazing da ai ningpawt kanan laika kaw na ka da ai Karai Kasang a tara hte sharin achyin ga ni rawng ai laika langai mi hpe shi lang da na rai wu ai.