KASA 26:24 - Jinghpaw Common Language Bible 2009

²⁴ Ya Pawlu dai hku shi hkum hpe makawp maga ai ga tsun ai shaloi, Hpestu gaw, “Pawlu e nang mana nit dai! Hpaji hparat nau chye dinglai nna de a majaw mana byin mat nit dai!,” ngu nna marawn jet kau wu ai.

Jinghpaw Hanson Version Bible

²⁴ Shing nga mara raw ga tsun ai hpe, Hpestu gaw, “Pawlu e, nang mana nit dai; hpaji hparat nau htang shalai nna mana mat nit dai,” ngu nna aja awa jet wu ai.

KASA 26:24 ပူးပေါင်းရင်းမြစ်များ

2 HKAWHKAM 9:11

Yehu gaw shi a du manang ni kaw bai nhtang wa yang, “Lam shagu hkrak rai nga a ni? Dai mana bu ai wa nang hpe hpa galaw shangun mayu a ta?,” ngu nna shi hpe hkap san ma ai. Yehu gaw, “Shi hpa ra nga ai gaw nanhte chye nga myit dai,” ngu nna sha htan wu ai.

YEREMIA 29:26

“Dai Madu gaw Yehoiada a malai nang hpe hkinjawng aya dang da nit dai; nang gaw ya kaw nna Nawku Htingnu kata hta hkinjawng kaba wa rai nga nit dai. Myihtoi tai masu ai mana shagu hpe shi a du hta hpri saidawng hte gyit kawan da na gaw, na a amu rai nga lit dai.

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

YAWHAN 7:15

Ahkang aya lu ai Yuda masha ni gaw mau ai hte, “Ndai wa gaw hpa jawng mung n lung yu ai mi kaning rai ndai daram wa chye chyang ai kun?,” nga ma ai.

YAWHAN 8:48

Shaloi Yuda masha ni gaw, “Nang gaw Samari masha rai ndai nga nna mung, nat shang ai wa rai nga nna mung, anhte tsun ai ga gaw jaw nga ai n rai ni?,” ngu nna Yesu hpe bai san mu ai.

YAWHAN 8:52

Yuda masha ni gaw, “Nang nat shang ai wa rai nga ai gaw, ya anhte hkrak chye saga ai! Abraham hte myihtoi ni pyi si mat wa masai, dai rai yang, nang chyawm gaw, ‘nye a sharin shaga ai ga madat mara hkan sa ai wa gaw galoi mung n si na ra ai,’ nga nna tsun lu ndai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

KASA 24:27

Shing rai ni ning lai ai hpang, Porku Hpestu gaw Hpilik a aya hte munggyi tai wa nna Hpilik gaw Yuda masha ni kaw na myi man ra ai majaw Pawlu hpe naw sharen tawn da wu ai.

KASA 26:11

Tara jawng ni hta shanhte hpe law law lang ari jahkrum nhtawm, shanhte a makam masham nyet kau mu ga galaw shakut se ai. Shanhte hpe ngai nachying pawt bu ai hte maigan mare kahtawng du hkra pyi, hkan zingri mase ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

2 KORINHTU 5:13

Anhte kaja wa n gring mat saga ni? N gring nga ga yang gaw Karai Kasang a matu mara n gring nga ga ai. Shing n rai anhte gring nga ga ni? Gring nga ga yang gaw nanhte a matu gring nga ga ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.