KASA 26:22 - Jinghpaw Common Language Bible 2009

²² Rai ti mung Karai Kasang kaw nna karum ai lu la ai majaw sha, dai ni du hkra ngai asak hkrung nga lu ai hte kaji kaba n nga yawng a man e tsap let sakse hkam lu nga nngai.

Jinghpaw Hanson Version Bible

²² Karai Kasang kaw na karum ai lu la ai majaw sha, dai ni du hkra nga nga let, kaji kaba yawng hpe sakse hkam ai hta,

KASA 26:22 ပူးပေါင်းရင်းမြစ်များ

EZRA 8:31

Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

SHAKAWN KUNGDAWN 124:8

Sumsing lamu hte ginding aga hpe hpan da ai dai Madu kaw nna, anhte hpe karum ai lam pru wa nga ai.

SHAKAWN KUNGDAWN 18:47

Shi gaw nye a gumlau hpyen ni a ntsa e, dang lu na awng padang ngai hpe jaw ya nga ai; nye a npu e, amyu baw ni hpe shi ap ya ni ai

SHAKAWN KUNGDAWN 66:12

Anhte a gumlau hpyen ni hpe anhte a ntsa e, nang kabye shangun nna; anhte gaw wan hpyen, hka mawru hpyen ni hpe hkrum kadup lai wa saga ai; rai ti mung, ya chyawm gaw, nang anhte hpe shim lum ai shara de woi wa nga nit dai.

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.

LUKA 16:28

Ngai nau ni manga naw nga ma ai majaw, shanhte mung ndai nni nkri hkrum ai shara de n du mu ga, shanhte hpe wa shadum jahprang sadi jaw shangun ya rit law,’ ngu nna hpyi wu ai.

LUKA 24:27

Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

YAWHAN 5:46

Mawshe hpe nanhte kaja wa sha kam myit dai rai yang gaw, ngai hpe mung kam na rai myit dai, hpa majaw nga yang, Mawshe gaw nye a lam ka da nu ai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 13:29

Shing rai shanhte gaw shi hte seng nna Chyum Laika hta ka da mada galaw shatup ngut jang shi hpe wudang ntsa na jahkrat la nna lup hta bang da mu ai.

KASA 24:14

Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

KASA 26:17

Ngai gaw nang hpe Israela amyu masha ni a lata na mung, ngai shangun dat nna nang sa hkaw tsun na maigan masha ni a lata na mung, hkye hkrang mawai la na de ai.

KASA 26:6

Rai ti mung Karai Kasang gaw anhte a ji wa ni hpe jaw da ai ga ndat hta na ngai lu la ai myit mada ai lam a majaw daw dan ai hkam na, ya ngai nang e tsap nga nngai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

ROMA 3:21

Rai ti mung ya gaw Karai Kasang a man e masha hpe ding hpring wa lu ai lam shadan dan mani ai. Karai Kasang a man e ding hpring wa shangun na matu, jep ai Tara hte n dang di lu ai. Ndai lam teng nga ai gaw Mawshe a jep ai Tara hte myihtoi ni sakse hkam ma ai.

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

1 KORINHTU 15:4

lup makoi ai shi hkrum nhtawm, Chyum Laika ni tsun ai hte maren, masum ya nhtoi hta e bai hkrung rawt wa sai lam;

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.

SHINGRAN 11:18

Na a pawt sindawng ai aten ladaw mung, si ai ni hpe tara dara na aten ladaw mung, ya aten hta du ra ai majaw, masha amyu ni n yun bu nga masai. Na a shangun ma myihtoi ni hpe mung, na a amyu masha ni hpe mung, nang hpe hkrit hkungga ai kaji kaba ni hpe mung, shabrai shagrau sha-a na aten hte lamu ga hpe jahten shabyak kau ai ni hpe jahten shabyak kau na nhtoi du ra ai law!,” nga nna tsun nga ma ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)

1 SAMUELA 7:12

Dai hpang, Samuela gaw nlung langai la nna Mizpa hte Shen lapran e jung tawn nhtawm, “Dai Madu gaw lam htum hkra anhte hpe karum la mani ai,” ngu nna tsun wu ai. Dai rai nna nlung dai hpe “Karum la Nlung” ngu nna shamying wu ai.