KASA 26:2 - Jinghpaw Common Language Bible 2009

² “Hkaw hkam Agripa e! Yuda masha ni ngai hpe shagun ai mara ni hte seng nna, na a man e ngai hta mara n nga ai lam, nye a hkum hpe makawp maga tsun lu ai gaw nye a matu laklai ai ahkaw ahkang nan rai nga ai ngu nna ngai nawn nngai.

Jinghpaw Hanson Version Bible

² “Hkawhkam Agripa e, Yuda masha ni a htung hking lam hte dangrang hkat ai lam magup hpe nang chye grau ai wa rai nga ndai majaw;

KASA 26:2 ပူးပေါင်းရင်းမြစ်များ

SHAKAWN KUNGDAWN 119:46

Na a hkang da ai ga ni hpe hkawhkam ni a man e, ngai tsun ndau na nngai rai nna, kaya kahpa ngai hkrum na nngai n rai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

LUKA 21:12

Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

KASA 25:26

Rai ti mung shi hte seng nna Hkawseng hpang de tup hkrak ka shana dat na hpa mung ngai n lu nngai. Dai rai nna ngai shi hpe nanhte a man e mung grau nna Hkawhkam Agripa a man de shaga shashawn ai lam gaw, shi hpe Hkawhkam wa jep san yu ngut jang, ngai ka shana dat na lam lama ma lu u ga matu rai nga ai.

KASA 26:1

Hkawhkam Agripa gaw Pawlu hpe, “Na lam nang nan tsun shaga na ahkang lu ndai,” ngu wu ai. Dai rai nna Pawlu lata ladawn let shi hta mara n nga ai lam lawu na hte maren makawp maga tsun wu ai gaw:

KASA 26:19

“Dai rai nna, Hkawhkam Agripa e, ngai gaw lamu na shingran dai hpe n madat ai n nga lu nngai.

KASA 26:26

Hkawhkam Agripa e ndai amu lam ni hpe nang chye nga ndai majaw, na a man e ngai nden ja ai hte tsun dan nngai. Dai amu lam gaw shingjut shingnaw hkan e sha byin ai n re ai majaw dai byin mabyin hpe hkawhkam wa nang n chye ai mi n nga na re ngu nna ngai kam nga nngai.

KASA 26:3

Yuda amyu masha ni a htung hking lam ni hte dangrang hkat chye ai manghkang lam magup hpe nang grai chye ai wa rai nga ndai. Dai rai nna myit galu kaba ai hte ngai hpe madat ya na, ngai hpyi nem nngai.

KASA 26:7

Dai ga sadi gaw anhte a amyu dap shi lahkawng ting shani shana Karai Kasang hpe nawku daw jau let myit mada ala nga ai ga sadi rai nga ai. Hkawhkam wa e, ngai hpe Yuda amyu masha ni mara shagun ai lam gaw ndai zawn myit mada ai a majaw rai nga ai.