KASA 26:16 - Jinghpaw Common Language Bible 2009

¹⁶ Rai ti mung ya rawt nna jan rai tsap u, Nang hpe nye a shangun ma tai u ga san da na matu nang kaw ngai dan pru ring ngai, nang gaw, dai ni nang ngai hpe mu mada lu sai lam hte, hpang de ngai nang hpe naw madun dan na ra de ai lam ni hpe masha kaga ni e sakse hkam dan na rai ndai.

Jinghpaw Hanson Version Bible

¹⁶ Rai timung, rawt u, jan rai tsap u: kaning rai nme law, nang ngai hpe mu mada lu sai lam hte, ngai nang hpe naw madun na ra de ai lam ni a matu, amu gun hpai masha hte sakse wa shatai na san da de ga, ngu nna ya nang kaw ngai dan pru ring ngai:

KASA 26:16 ပူးပေါင်းရင်းမြစ်များ

EZEKELA 2:1

Dai Madu gaw ngai hpe, “Si chye ai masha e, rawt tsap u. Ngai nang hpe ga shaga mayu nngai,” ngu nna tsun nga ai.

Daniela 10:11

Dai lamu kasa gaw ngai hpe, “Daniela e, Karai Kasang nang hpe tsaw ra nga ai majaw rawt tsap let ngai tsun dan na ga hpe sadi sahka hte madat la u. Ngai hpe nang hpang de shangun dat ai,” ngu nna tsun wu ai. Dai lam hpe shi tsun nga yang, ngai rawt tsap nga tim pyi naw gari ashun nga nngai.

LUKA 1:2

Dai lam ni hpe shawng npawt kaw nna, tinang myi hte mu yu sai, dai Kabu Gara Shiga hkaw tsun ai ni tsun dan ai hte maren shanhte ka lajang da masai.

KASA 1:17

Hpa majaw nga yang, Yuda gaw magam gun langai mi hku nna lata la hkrum ai wa rai nna anhte a hpung hta lawm ai wa rai nga ai,” nga nna tsun ai.

KASA 1:25

Dai kasa aya hta ndai yan lahkawng hta na kadai hpe mahtang nang lata san da ndai gaw, anhte hpe madun dan mi,” nga nna akyu hpyi ma ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 21:19

Pawlu shanhte hpe shachyen ngut jang, shi gun hpai ai amu majaw kaga maigan masha ni hta Karai Kasang shabyin wa ai amu lam langai hte langai hkai dan mu ai.

KASA 22:10

Bai ngai gaw, ‘Madu e, ngai hpa galaw na rai ta?,’ ngu we ai. Shaloi Madu gaw, ‘Rawt u, Damasku mare de sa wa su; nang galaw na matu Karai Kasang lajang masat da ai lam shagu dai mare e nang hpe tsun dan na ra ai,’ nga nna ngai e bai tsun ai.

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.

KASA 26:15

Shaloi ngai gaw, ‘Madu e, nang kadai rai nga n ta?,’ ngu nna san we yang Madu gaw, ‘Nang zingri zingrat ai Yesu rai nga nngai.

KASA 6:4

Anhte nan chyawm gaw, akyu hpyi ai lam hte mungga hkai dan ai amu hta aten tup gunhpai nga na ga ai,” ngu nna tsun mu ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 5:18

Dai lam yawng mayawng hpe chyawm gaw Karai Kasang e galaw nu ai, Karai Kasang gaw anhte hpe shi a hpyen ni tai nga ai kaw nna shi a jinghku ni tai wa na matu Hkristu Yesu a marang e galai shai mat shangun mi ai hte, kaga masha ni hpe mung shi a jinghku ni tai wa shangun na matu anhte hpe amu lit ap ya mani ai.

GALATI 1:12

Hpa majaw nga yang, masha kadai kaw na mung ngai dai Kabu Gara Shiga hpe hkam la nngai n rai; Yesu Hkristu shi nan shingran ga hku nna ngai hpe shadan dan ni ai.

GALATI 2:2

Ning rai ngai lung wa ai gaw Karai Kasang jaw ai shingran ga hte maren rai nga ai. Ningbaw ningla ni san san hte hpawng ai zuphpawng hta maigan masha ni hpe ngai hkaw tsun ai Kabu Gara Shiga a lam tsun sanglang dan nngai. Ndai zawn tsun sang lang dan ra ai lam gaw, shawng de rai ti mung, ya e rai ti mung ngai galaw gun hpai shakut nga ai magam amu hpe kaman lila sum mat ai lam n byin shangun mayu ai majaw rai nga ai.

EHPESU 3:3

Karai Kasang gaw shi a sung htum ai yaw shada ai lam ngai hpe shadan dan ai. (Ndai lam hte seng nna kadun ai hku ka dat yu ni ai.)

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

KOLOSE 1:25

Nanhte a matu mai kaja ai lam galaw u ga, Karai Kasang gaw Hpung a magam gun wa langai mi hku nna ngai hpe san da ai hkrum ni ai. Ngai hpe ap ya da ai lit gaw dai Kabu Gara Shiga hpe ngam da ai lam n nga hkra hkaw tsun na lam rai nga ai.

KOLOSE 1:7

Nanhte gaw Karai Kasang a chyeju lam hpe anhte a tsaw ra ai shingdep shingtau wa Epahpra kaw nna sharin la manit dai; shi gaw anhte a malai Hkristu a kangka re ai magam gun hpai ai wa rai nga ai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.