KASA 26:14 - Jinghpaw Common Language Bible 2009

¹⁴ Shaloi anhte yawng ga de kadawng taw mat shajang nga yang Hebre ga hte ngai hpe, ‘Shawlu, Shawlu! Nang ngai hpe hpa rai zingri nga n ta? Usu gaw madu a nga gau shingna masen hpe lahkat htawng yang na zawn dai masawn hpe htawng ai hte na hkum hpe machyi la shangun nga n hka!,’ nga ai nsen langai mi ngai na nngai.

Jinghpaw Hanson Version Bible

¹⁴ Shaloi anhte nlang ga de kadawng taw mat shajang nga yang, Hebre ga hte ngai hpe, ‘Shawlu, Shawlu nang ngai hpe hpa rai zingri nga n ta? masawn hpe htawng yang, na matu yak la ahka gaw,’ nga nna shaga ai nsen ngai na nngai.

KASA 26:14 ပူးပေါင်းရင်းမြစ်များ

GA SHAGAWP 13:15

Zai byeng-ya hpaji gaw hkungga lara ai hpe lu la shangun ti mung; kam hpa n lu ai ni chyawm gaw hten byak na lam de sa wa nga ma ai.

ZEHKARIA 12:2

“Ngai gaw Yerusalem hpe sabyi ntsin gawm mi zawn shatai na nngai; shing rai shi a grup yin na masha amyu baw ni lu nna chyaru nang ai ni zawn ndi nda rai na mara ai. Shanhte gaw Yerusalem hpe wang da mu yang, Yuda mung na naw ngam nga ai mare ni mung wang da ai hkrum na mara ai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

KASA 21:40

Hpyen du kaba wa shi hpe ahkang jaw wu ai rai nna, Pawlu gaw, lakang baw e tsap let, asim sha nga na matu lata dingsi mu ai, shanhte akatsi sha rai jang Hebre ga hte shanhte hpe tsun mu ai gaw:

KASA 22:2

Hebre ga hte shanhte hpe tsun ai na jang grau nna sim nga ma ai. Shaloi shi gaw,

KASA 26:13

Jan pungding madi ai ten hta, Hkawhkam wa e, jan hta grau htoi tu ai nhtoi langai mi gaw dai lam e hkawm sa nga ai ngai hte nye a manang ni a grup yin lamu de na htoi tu pru ai hpe ngai mu nngai.

KASA 26:15

Shaloi ngai gaw, ‘Madu e, nang kadai rai nga n ta?,’ ngu nna san we yang Madu gaw, ‘Nang zingri zingrat ai Yesu rai nga nngai.

KASA 9:7

Shi hte rau sa ai manang ni mung ga hkaw mi mung n shaga ai sha hkring tsap mat ma ai. Shanhte dai nsen hpe na ti mung kadai hpe mung n mu ma ai.

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?