KASA 26:1 - Jinghpaw Common Language Bible 2009

¹ Hkawhkam Agripa gaw Pawlu hpe, “Na lam nang nan tsun shaga na ahkang lu ndai,” ngu wu ai. Dai rai nna Pawlu lata ladawn let shi hta mara n nga ai lam lawu na hte maren makawp maga tsun wu ai gaw:

Jinghpaw Hanson Version Bible

¹ Shaloi Agripa gaw Pawlu hpe, “Na a lam tsun na ahkang rai nga ai,” ngu wu ai. Dai rai nna Pawlu lata ladawn let mara raw ai ga tsun wu ai gaw:

KASA 26:1 ပူးပေါင်းရင်းမြစ်များ

SHAKAWN KUNGDAWN 119:46

Na a hkang da ai ga ni hpe hkawhkam ni a man e, ngai tsun ndau na nngai rai nna, kaya kahpa ngai hkrum na nngai n rai.

GA SHAGAWP 1:24

Ngai hpang de du sa na matu, nang hpe shaga ai hte saw lajin yu se ai rai tim, nang n madat ya ndai.

GA SHAGAWP 18:13

Nang garai n htan yang, shawng madat la u; dai hku lama nang n hkan ai rai yang, nang gaw angawk ai wa hte masha kaga ni hpe n kaw n law di ai wa rai nga ndai.

GA SHAGAWP 18:17

Tara rung e, shawng sa tsun ai wa gaw shi hpe ninghkap shingdang ai wa shi hpe san sagawn yu ai aten du hkra, tut nawng teng man ai zawn rai nga ai.

EZEKELA 16:27

“Ya chyawm gaw, ngai nang hpe ari jaw na matu hte nye a shaman chyeju kaw na na a kamhtaw di kau ya na matu, nye a lata hpe sharawt da ni ai. Ngai gaw na a nse ai amu ni hpe matsat nga nngai, nang hpe n dawng ai Hpilisti ni a lata de nang hpe ap kau ni ai.

YAWHAN 7:51

Dai wa gaw, “Anhte a Tara hte maren nga yang, anhte gaw masha langai mi hpe, shi hpa baw tara tawt lai ai lam n jep n san, shi hkum nan hpe tinang mara n lu ai lam tsun makawp maga na ahkaw ahkang n jaw ai, n mai daw dan ga ai,” ngu nna tsun mu ai.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

KASA 25:16

Rai ti mung ngai gaw, mara shagun hkrum ai wa langai ngai, mara shagun ai ni hte myiman chyaw rai nna shanhte mara shagun da ai hpe tsun dan na ahkaw ahkang n jaw ai sha marai langai ngai hpe ap kau na gaw anhte Roma masha ni a htung lai n re ngu nna shanhte hpe tsun da mawe ai.

KASA 25:27

Hpa majaw nga yang shi hpe shagun ai mara ni hpe atsawm sha n madun dan ai bawng langai mi hpe sa dat na gaw n jaw nga ai ngu nna ngai myit nngai,” ngu mu ai.

KASA 26:2

“Hkaw hkam Agripa e! Yuda masha ni ngai hpe shagun ai mara ni hte seng nna, na a man e ngai hta mara n nga ai lam, nye a hkum hpe makawp maga tsun lu ai gaw nye a matu laklai ai ahkaw ahkang nan rai nga ai ngu nna ngai nawn nngai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

ROMA 10:21

Rai ti mung Israela amyu masha ni hte seng nna shi bai tsun ai gaw, “N madat n mara nna gumlau ai amyu hpe hkap la na matu, nye a lata shani tup ngai ladawn wak nga nngai,” nga ai.