Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KASA 24:5 - Jinghpaw Common Language Bible 2009

5 Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

အခန်းကိုကြည့်ပါ။ ကော်ပီ

Jinghpaw Hanson Version Bible

5 Ndai wa gaw n hkru n hkra re ai hte, mungkan ting na Yuda masha ni nlang hpe gumlau sharawt nna, dai Nazaret hpung a agyi kaba rai nga ai gaw, anhte mu gaw ai:

အခန်းကိုကြည့်ပါ။ ကော်ပီ




KASA 24:5
32 ပူးပေါင်းရင်းမြစ်များ  

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.


Rai ti mung, Benyamin Chyinghka lam de ngai du shang wa ai shaloi, Hanania a kashu, Shelemia a kasha, sin langa ni a agyi Iriya mying ai wa gaw, ngai hpe hkap jahkring nhtawm, “Nang gaw Babelon masha ni hpang de hprawng shang mat wa ai wa rai nga ndai!,” ngu nna hkap tsun wu ai.


Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.


Behtela na hkinjawng Amazia gaw Israela a Hkawhkam Yeroboam hpang de ning ngu shiga shana dat wu ai: “Amo gaw amyu masha ni a lapran e nang hpe gumlau na matu maw mawn nga ai. Shi a tsun shaga ai ga ni gaw mungdan hpe jahten nga ai.


Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!


Nazaret ngu ai mare hta dum nta hte rai anga nga ai. Dai rai nna, “Shi hpe Nazaret wa ngu na maru ai,” nga nna myihtoi ni tsun ai ga gaw dik wa sai.


Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.


(Baraba gaw, mare e gumlau ai amu hte masha sat ai amu a majaw, htawng hkrat nga ai wa rai nga ai.)


Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.


Shing rai Pilat gaw, shanhte hpyi ai hte maren, gumlau ai hte masha sat ai amu a majaw htawng hkrat ai wa hpe dat dat ya nna, Yesu hpe gaw shanhte ra ai hku ap kau ya dat wu ai.


Rai ti mung shanhte mahtang grau nna ja ai nsen hte, “Ndai wa gaw Yuda mung ting hte Galile mung kaw nna, ya ndai kaw du hkra sharin shaga nga ai hte, mung masha ni hpe woi kabrawng wu ai,” nga nna tsun anin shadut ma ai.


Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.


Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.


Masha ni gaw ndai daram na hkra Pawlu tsun ai hpe madat nga ma ai, rai ti mung Pawlu ning nga tsun ai hpe na dat ai hte rau, “Dai zawn re ai wa hpe ga ntsa na tsan kau mu! Shi hpe sat kau mu! Shi hkrung nga na n ging nu ai!,” ngu nna nsen htum hkra marawn ma ai.


Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.


Ngai gaw nang madu a aten hpe law law n la kau ya mayu nngai, dai rai nna, kadun ai hku anhte tang madun ai hpe matsan dum ai hte madat ya na ngai hpyi nem nngai.


Pawlu du jang Yerusalem mare na yu wa ai Yuda masha ni gaw shi hpe tsap shinggrup da let shanhte sakse n madun lu ai mara kaba law law wa shi a ntsa e shagun mu ai.


Galoi mung shanhte ngai hpe chye nga ma ai majaw, anhte a nawku htung na ja dik ai tara hkan ai Hparishe hpung hta ngai lawm nga nngai gaw, shanhte sakse hkam mayu yang, hkam lu ma ai.


Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.


Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.


Dai hpang shanhte gaw masu ai sakse ni hpe shaga shawn dat mu ai rai nna shanhte gaw, “Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai.


(Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)


Anhte roi asawng ai hkrum yang, ga ngwi ga pyaw hte htan ga ai. Anhte gaw ya du hkra ndai mungkan ga a shanut shanaw hte masha yawng mayawng e kabai ayai da ai maza mala zawn rai nga ga ai.


Nanhte gaw Karai Kasang a myit ra ai lam hpe chye ya nga myit dai rai nna, nanhte n hkam ging ai nni nkri hkam sharang myit yang gaw, Karai Kasang de a matu nanhte hpe shaman ya na marin dai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ