KASA 24:14 - Jinghpaw Common Language Bible 2009

¹⁴ Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

Jinghpaw Hanson Version Bible

¹⁴ Rai timung, lam mi chyawm gaw nang hpe shapraw dan de ga; Jep ai tara lam shagu hte myihtoi ni a laika hta ka da ai hku yawng mayawng kamsham let, shanhte hka bra Lam ngu nna shamying ai htung hku hkan nna, ngai ji wa ni a Karai Kasang hpe nawku nga nngai:

KASA 24:14 ပူးပေါင်းရင်းမြစ်များ

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

ROMA 3:21

Rai ti mung ya gaw Karai Kasang a man e masha hpe ding hpring wa lu ai lam shadan dan mani ai. Karai Kasang a man e ding hpring wa shangun na matu, jep ai Tara hte n dang di lu ai. Ndai lam teng nga ai gaw Mawshe a jep ai Tara hte myihtoi ni sakse hkam ma ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

KASA 26:22

Rai ti mung Karai Kasang kaw nna karum ai lu la ai majaw sha, dai ni du hkra ngai asak hkrung nga lu ai hte kaji kaba n nga yawng a man e tsap let sakse hkam lu nga nngai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

KASA 26:27

Hkawhkam Agripa e, myihtoi ni a ga hpe nang kam n ni? Nang kam nga ndai hpe ngai chye nga nngai!,” ngu wu ai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

TITU 3:10

Shai wa bra wa ai lam shabyin ai wa hpe n law htum lahkawng lang shadum jahprang sadi jaw ai hpang shi hte matut mahkai ai lam kaga hpa mung hkum galaw nu.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

1 KORINHTU 11:19

(Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)

KASA 26:6

Rai ti mung Karai Kasang gaw anhte a ji wa ni hpe jaw da ai ga ndat hta na ngai lu la ai myit mada ai lam a majaw daw dan ai hkam na, ya ngai nang e tsap nga nngai.

KASA 24:22

Ya Hpilik gaw dai Lam ngu ai hpung a lam hpe atsawm sha chye da ai wa rai nna, “Hpyen du kaba Lusi du jang she, ngai nanhte a amu daw dan na nngai,” ngu nna shanhte hpe jahkring kau mu ai.

KASA 22:14

Bai shi gaw, ‘Anhte a ji wa ni a Karai Kasang gaw, nang hpe shi myit ra ai lam chye shangun na matu mung, shi a ding hpring ai Madu hpe mu lu na matu hte shi a nsen hte nan shaga ai hpe na lu n ga, nang hpe lata san nit dai.

KASA 19:9

Rai ti mung nkau mi gaw myit ja nna n kam n sham ma ai rai nna, shawa masha ni a man e dai Madu a lam hpe n kaja ai ga ni hte tsun jahpoi asawng ma ai. Dai rai nna Pawlu gaw shanhte kaw na pru nna, sape ni hpe kaga jahka la nhtawm Turanu ngu ai wa a hpaji jawng gawk kaba hta shani shagu tsun bawng sharin shaga hkat nga ai.

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 7:32

“Ngai gaw na a nji nwa ni a Karai Kasang, Abraham, Isak, Yaku a Karai Kasang rai nga nngai,” nga ai. Mawshe chyawm gaw hkrit gari nna n mada wam wu ai.

KASA 5:30

Anhte a ji wa ni a Karai Kasang gaw nanhte wudang hta jen sat kau ai Yesu hpe jahkrung sharawt da nu ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 24:27

Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

LUKA 16:29

Abraham gaw, ‘Na nnau ni kaw, Mawshe hte myihtoi ni nga ma ai, dai ni a ga madat mu ga,’ ngu wu ai.

LUKA 16:16

“Mawshe a jep ai Tara hte myihtoi ni a laika ni gaw Hkalup Sara Yawhan a lakhtak du hkra ngang kang ai hte grin nga ai. Dai kaw nna gaw Karai Kasang a Mungdan a Kabu Gara Shiga ni hpe hkaw tsun nga ai rai nna, masha shagu gaw Karai Kasang a Mungdan hta anin katut shang wa ma ai.

LUKA 1:70

Chyaloi nhkoi kaw nna shi a chyoi pra ai myihtoi ni a n-gup hte ga sadi jaw da sai hte maren,

MAHTE 22:40

Ndai hkang da ai ga lahkawng yan gaw, Mawshe a jep ai Tara mahkra hta, myihtoi ni a sharin shaga ai lam ni a npawt madung rai nga ai,” ngu wu ai.

MAHTE 10:32

Kadai rai ti mung, masha ni a man e ngai hpe yin la ai wa hpe gaw, dai hte maren Sumsing lamu na Nye Wa a man e ngai yin la na we ai.

MAHTE 7:12

“Nanhte gaw, masha ni nanhte a matu hpa hkan galaw na tsaw matsaw hte maren, nanhte mung dai hku shanhte a matu hkan galaw mu: dai gaw Mawshe a jep ai Tara hte myihtoi ni a sharin shaga ai lam a lachyum nan rai nga ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

AMO LAIKA (AMOS) 8:14

Samari a hpara sumla ni hte dagam ai ni gaw, ‘Dan a hpara shing n rai Berasheba a hpara hte ndai amyu masha ni hkrat mat nna bai n rawt wa lu na mara ai,” nga nna tsun ma ai.

SHAKAWN KUNGDAWN 119:46

Na a hkang da ai ga ni hpe hkawhkam ni a man e, ngai tsun ndau na nngai rai nna, kaya kahpa ngai hkrum na nngai n rai.

1 HKAWHKAM LABAU 29:18

Anhte a kaji kawa Abraham, Isak hte Yaku ni a Madu Karai Kasang e, na a amyu masha ni hta dai zawn ap nawng chye ai myit hpe htani htana n-gun shaja ya nna nang hta shanhte tut nawng sadi sahka dung nga shangun u law.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

KASA 19:23

Ya dai hte yang, Madu a Lam a majaw Ehpesu mare e kabring kabrawng re ai lam grai sawng ai hku byin wa ai.

KASA 15:5

Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

KASA 25:8

Rai ti mung Pawlu gaw, “Yuda masha ni a jep ai Tara hpe mung, Nawku Htingnu hpe mung, Hkawhkam Kehta hpe mung, ngai hpa n shut n hpyit yu nngai,” ngu nna shi hkum hpe makawp maga ai ga tsun nga ai.

KASA 26:4

“Nye a brang ram prat kaw nna ngai kaning rai asak hkrung lai wa sai lam Yuda masha ni yawng chye chyalu rai ma ai. Shawng nnan nye a dai daw buga hta, dai hpang Yerusalem mare hta nye a prat tup ngai kaning rai asak hkrung lai wa sai hpe shanhte chye ma ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.