KASA 24:12 - Jinghpaw Common Language Bible 2009

¹² Nawku htingnu hkan kadai ni hte dangrang hkat nga ai mung tara jawng hkan mare kata gara shara hta mung masha ni hpe ngai woi kasu kabrawng nga ai mung Yuda masha ni n mu ma ai.

Jinghpaw Hanson Version Bible

¹² Nawku Htingnu hte tara jawng hkan, mare kata hkan, kadai hte dangrang hkat ai mung, hpawng shingra hpe woi kabrawng ai mung, shanhte n mu ma ai.

KASA 24:12 ပူးပေါင်းရင်းမြစ်များ

MARKU 9:14

Yesu hte sape ni marai masum gaw kaga sape ni nga ai shara de du wa ma yang, shanhte a grup yin masha wunawng kaba nga nga ma ai hte Tara Sara nkau mi shanhte hte ndang kalang hkat nga ma ai hpe wa mu ma ai.

YAWHAN 18:21

Dai rai yang, nang ngai e hpa rai san n ta? Ngai kaning ngu hkaw tsun ai gaw, na la ai ni hpe san yu u; ngai tsun ai ga hpe shanhte chye ma ai,” ngu nna htan wu ai.

KASA 24:18

Nawku htingnu kata e nye a hkum jasan jaseng ai lam galaw ngut ai ten shanhte ngai hpe mu ma ai. Dai ten hta shawa hpawng mung ngai hte rau n nga ai, hpa kabring kabrawng mung n rai ma ai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

KASA 25:8

Rai ti mung Pawlu gaw, “Yuda masha ni a jep ai Tara hpe mung, Nawku Htingnu hpe mung, Hkawhkam Kehta hpe mung, ngai hpa n shut n hpyit yu nngai,” ngu nna shi hkum hpe makawp maga ai ga tsun nga ai.

KASA 28:17

Masum ya nhtoi lai ai hpang, Pawlu gaw, dai buga na Yuda agyi salang ni hpe shaga jahpawng la wu ai. Shanhte du sa hpawng nga ma yang, shi gaw shanhte hpe, “Nye a hpu nau Israela amyu masha ni e, ngai gaw, nye a amyu hpe mung, ji wa ni a htung hking hpe mung, nhtan shai ai amu hpa mung n galaw yu nngai, rai ti mung Yuda amyu masha ni Yerusalem mare kaw ngai hpe rim la nhtawm Roma masha ni a lata de bawng masha langai mi hku ap kau ai ngai hkrum nngai.