KASA 24:10 - Jinghpaw Common Language Bible 2009

¹⁰ Munggyi wa lata dingsi nna, ga tsun na ahkang jaw wu yang, Pawlu gaw, “Nang gaw shaning law law na hkra ndai amyu a ntsa e tara agyi tai ya ai wa langai mi rai nga ai hpe ngai chye nngai. Dai majaw ngai hta mara n nga ai lam na a man e tsun dan lu ai majaw ngai kabu gara nga nngai.

Jinghpaw Hanson Version Bible

¹⁰ Munggyi wa lata dingsi nna, ga tsun na ahkang jaw wu yang, Pawlu gaw, “Nang madu tsawmra ning na hkra ndai amyu a ntsa e tara agyi tai yu nit dai, ngai chye nngai majaw, nye a mara raw ai ga hpe kabu gara ai myit hte ngai tsun we ga:

KASA 24:10 ပူးပေါင်းရင်းမြစ်များ

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

LUKA 12:14

Yesu gaw, “Nye a jinghku wa e, nan nau a ntsa e tara agyi tai ya na ahkang hte sali arai garan ya ai wa tai na, ngai hpe kadai san da a ta?,” ngu nna shi hpe htan wu ai.

LUKA 18:2

“Mare langai mi hta, Karai Kasang hpe mung n hkrit, masha hpe mung myi man n tam, n agam ai tara agyi langai mi nga ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

KASA 13:16

Shaloi Pawlu rawt nna lata dingsi let, “Israela amyu sha ni hte nang e Karai Kasang hpe nawku daw jau nga ai tara maigan ni yawng hte e madat la mu!

KASA 18:15

Rai ti mung dai amu gaw tsun shaga ai hta lang ai ga hkum ni a lam, mying shingteng ni hte nanhte a tara ni hte seng nna tsun dangrang mara shagun hkat ai amu she rai nga malit dai majaw, nanhte hkrai jeyang daw dan la mu. Dai zawn re ai amu ni a matu ngai tara agyi tai ya nngai n rai!,” ngu nna Yuda masha ni hpe daru kau wu ai.

KASA 19:33

Ya Yuda masha ni Alexandru hpe shawng de pru sa shangun mu ai rai nna, masha nkau mi gaw ndai byin ai lam hte seng ai wa rai sam ai ngu myit la ma ai, Alexandru mung shawa hpawng hpe asim sha nga na matu shi a lata galang dingsi nna ga tsun hparan ningdang kau na shakut wu ai.

KASA 21:40

Hpyen du kaba wa shi hpe ahkang jaw wu ai rai nna, Pawlu gaw, lakang baw e tsap let, asim sha nga na matu lata dingsi mu ai, shanhte akatsi sha rai jang Hebre ga hte shanhte hpe tsun mu ai gaw:

KASA 23:24

Dai hta kaga Pawlu jawn na gumra byau ya nna munggyi Hpilik hpang de du hkra ashim sha sa sa dat mu, ngu nna hkang dat wu ai.

KASA 26:1

Hkawhkam Agripa gaw Pawlu hpe, “Na lam nang nan tsun shaga na ahkang lu ndai,” ngu wu ai. Dai rai nna Pawlu lata ladawn let shi hta mara n nga ai lam lawu na hte maren makawp maga tsun wu ai gaw:

1 PETRU 3:15

Nanhte a myit masin ni hta Hkristu hpe hkungga lara ai hte Madu ra ai hku shagrau sha-a nga mu; nanhte hta hkam la da sai myit mada ai lam hpe masha langai ngai san dam ma yang, ga lachyum htai dan lu na matu jin jin rai nga mu.

1 SAMUELA 2:25

Masha shada da shut hpyit ai rai yang, Karai Kasang hkap makawp ya lu ti mung, Karai Kasang hpe shut hpyit ai rai yang, kadai wa hkap makawp la lu nga a ta?,” ngu nna tsun wu ai. Rai ti mung shan mahtang kawa a ga n madat ma ai majaw, shan hpe sat kau na matu dai Madu daw dan kau nu ai.