Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KASA 23:9 - Jinghpaw Common Language Bible 2009

9 Shanhte marawn jahtau tsun shaga ai gaw grau nna ja wa ai, shaloi Hparishe hpung hta lawm ai tara sara nkau mi rawt nna, “Ndai wa hta anhte hpa mara mung n mu ga ai! Kaja wa Wenyi shing n rai lamu kasa langai mi shi hte ga tsun yang tsun shaga sana re!,” nga nna tsun hkat bu ma ai.

အခန်းကိုကြည့်ပါ။ ကော်ပီ

Jinghpaw Hanson Version Bible

9 Dai rai nna grai wa tsun garu bu nga ma ai; shaloi Hparishe hpung na laika ka ai sara ni nkau mi rawt nna, “Ndai wa hta hpa mara mung anhte n mu ga ai; Wenyi, shing n rai, lamu kasa langai mi shi hte ga tsun ai rai yang, hpa re hka, “--nga nna tsun hkat bu ma ai.

အခန်းကိုကြည့်ပါ။ ကော်ပီ




KASA 23:9
23 ပူးပေါင်းရင်းမြစ်များ  

Nang gaw dai Madu hta awng sharawng nga ai rai yang, na a gumlau hpyen wa hpe nang jinghku shatai la lu nga ai.


Dai hpang, ningbaw ni hte amyu masha ni gaw hkinjawng ni hte myihtoi ni hpe, “Ndai wa gaw dai Madu anhte a Karai Kasang a amying hta anhte hpe tsun mi ai; shi si ging ai wa n rai,” nga nna tsun ma ai.


Hparishe ni hte Tara sara nkau mi gaw, Yesu shing rai kang hta ai ni hte kabai kau hkrum ai masha ni a hpawng hta shat rau jawm sha nga ai hpe mu ma ai shaloi, shi a sape ni hpe, “Hpa majaw shi dai zawn re ai masha ni hte rau lu sha nga ai kun?,” nga nna san ma ai.


Pilat gaw masum lang ngu na bai tsun mu ai gaw, “Ndai wa n hkru ai amu hpa galaw hkrup sata? Shi hta si ging ai mara hpa mung ngai n mu we ai, dai majaw ngai shi hpe anu kayat sharim nna dat dat na we ai,” ngu nna shanhte hpe tsun mu ai.


Shaloi Pilat gaw, “Ndai wa hta mara ngai n mu nngai,” ngu nna hkinjawng agyi ni hte shawa masha ni hpe tsun mu ai.


Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.


Dai yang e tsap hpawng nga ai shawa masha ni dai nsen na ma yang, nkau mi gaw, mu ngoi nga ai, nga ma ai. Bai nkau mi gaw, “Lamu kasa shi hpe ga shaga nga ai!,” nga ma ai.


Karai Kasang gaw Madu Yesu hpe kam sham ai anhte hpe jaw ai chyeju kumhpa hpe shanhte hpe mung maren sha jaw nga ai lam dan leng nga ai. Dai rai yang gaw ngai hpa wa re ai ngu nna Karai Kasang hpe shingdang lu na rai ta?,” ngu nna tsun wu ai.


“Shing rai ngai sa wa nga yang Damasku mare makau de du ai shaloi shani jan pungding madi ai hpawa e lamu de na nhtoi kaba langai mi nye a grup yin e akajawng sha nhtoi tu pru wa ai.


Ga de ngai kadawng taw nna, Shawlu, Shawlu! Nang hpa rai ngai hpe zingri nga n ta? nga ai nsen langai mi hpe ngai na lu nngai.


Yuda amyu masha ni shi hpe mara shagun nga ai lam gaw shanhte a jep ai tara hte seng ai lam ni sha rai nga malu ai. Dai rai nna shi hta si ging ai mara shing n rai htawng hta sharen da ging ai mara hpa mung n nga ai lam ngai mu lu se ai.


Hpa majaw nga yang, Saduke ni mahtang masha ni gaw si ai kaw na bai n hkrung rawt wa ai, lamu kasa mung, Wenyi mung n nga ai, nga nna tsun ma ai, rai ti mung Hparishe ni gaw dai masum hte nga ai lam kam ma ai.


Rai ti mung, ndai wa hta sat kau ging ai mara hpa mung ngai n mu we ai. Shi nan Hkawseng kaw du na hpyi ai majaw sa dat na ngai myit daw dan da se ai.


Pru wa yang shanhte shada, “Ndai wa gaw sat kau ging ai mara, htawng hta sharen da ging ai mara, lama mi mung galaw ai n rai,” nga nna tsun shajang ma ai.


Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,


Karai Kasang kaw na rai yang chyawm gaw nanhte hpya jahten kau lu na n rai; nanhte gaw Karai Kasang hpe ninghkap ai lam sha tai na myit dai,” ngu mu ai. Yuda kongsi hpawng gaw Gamale a hpaji jaw ai hpe hkap la ma ai.


Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.


Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?


Samuela chyawm gaw, “Ngai hta tsep kawp mara n kap nga ai hpe nanhte mu manit dai rai nna dai Madu hte shi lata san da nu ai hkawhkam yan gaw dai ni na nhtoi hta sakse tai nga manu ga,” ngu nna htang tsun wu ai. Shanhte mung, “Rai sa, dai Madu gaw anhte a sakse rai nga ai,” ngu nna htan ma ai.


Dai hpang, shi gaw Dawi hpe, “Nang galaw ai lam jaw nga ai; ngai mahtang shut nga nngai. Ngai nang hpe dai zawn shut ai hku galaw kau ti mung nang chyawm gaw ngai hpe grai kaja ai hku galaw nga nit dai!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ