KASA 23:6 - Jinghpaw Common Language Bible 2009

⁶ Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

Jinghpaw Hanson Version Bible

⁶ Dai hpawng nga ai ni hta nkau mi Saduke, nkau mi Hparishe rai nga ma ai hpe Pawlu chye da wu ai majaw, dai salang bawng hpe, “Hpunau ni e, ngai gaw Hparishe rai nga nngai; Hparishe kasha mung rai nga nngai; si ai ni bai hkrung rawt na myit mada ai lam majaw, ngai jeyang hkrum nga nngai,” ngu nna jahtau dat wu ai.

KASA 23:6 ပူးပေါင်းရင်းမြစ်များ

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 22:23

Dai shani nan Saduke nkau mi gaw Yesu kaw sit sa wa ma ai. Shanhte gaw si mat wa ai masha ni bai hkrung rawt wa ai ngu ai hpe n kam ai ni rai ma ai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 22:30

Hpang jahpawt e Yuda masha ni Pawlu hpe shagun ai mara hpa re ai teng teng chye lu hkra shi hpe raw dat nna hkinjawng agyi ni hte salang hpawng ting hpe shaga jahpawng tawn nhtawm Pawlu hpe shanhte a man e shatsap tawn ya mu ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 23:1

Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

KASA 23:15

Dai re ai majaw, nanhte hte salang hpawng hta lawm ai ni gaw, Pawlu a lam grau nna teng man ai shiga chye lu hkra atsawm sha naw san jep yu na ngu tsun jahpai nhtawm nanhte hpang de shi hpe shaga la na matu hpyen du kaba wa hpe hpyi dat mu. Shaloi anhte gaw shi nang de garai n du ai lam lapran e naw rai nga yang sat na jin jin rai nga na ga ai,” ngu mu ai.

KASA 23:20

Shaloi shi gaw, “Yuda du salang ni Pawlu a amu hpe salang hpawng hta atsawm sha naw jep san mayu ai zawn di jahpai nhtawm salang hpawng de hpawt ni woi la na matu, nang kaw hpyi na nga nna myit hkrum da masai.

KASA 23:7

Shi shing nga tsun dat ai shaloi jang Hparishe ni hte Saduke ni shada da n dang ruk rak hkat ma ai rai nna, shawa hpawng gaw hpung lahkawng tai mat ma ai.

KASA 24:15

Shanhte myit mada ai hte maren ngai mung kaja ai ni mi da, n kaja ai ni mi da, si ai kaw na bai hkrung rawt wa na mara ai ngu nna Karai Kasang hta myit mada nga nngai.

KASA 24:21

ngu nna jahtau tsun ai ga hta kaga ngai hta hpa mara nga yang ndai masha ni shanhte hkum nan tsun dan mu ga,” ngu nna tsun wu ai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

HPILIPI 3:5

Ngai gaw asak matsat ya nhtoi hta matu gadoi hkam nngai; Israela amyu Benyamin a aru arat hte Hebre masha hta na Hebre sai jet rai nga nngai. Yuda ni a jep ai Tara hpe hkan sa shatup ai hku she yu ga nga yang ngai Hparishe rai nga nngai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

HEBRE 6:19

Anhte gaw dai myit mada shara hpe anhte a asak hkrung lam a matu hpri chyinghkyi langai mi zawn hkam la lu saga ai. Dai myit mada ai lam gaw shim ai hte grin ai lam rai nna sumsing lamu na htingnu kata a nba grang kata maga gawk de waw lai hkrang shang wa sai.