KASA 23:1 - Jinghpaw Common Language Bible 2009

¹ Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

Jinghpaw Hanson Version Bible

¹ Shaloi Pawlu gaw dai salang bawng hpe azi yu da let, “Hpunau ni e, dai ni du hkra Karai Kasang a man e, hkum tsup ai myit mang hte ngai hkan sa ni ai,” ngu mu ai.

KASA 23:1 ပူးပေါင်းရင်းမြစ်များ

GA SHAGAWP 28:1

Tara n lang ai ni gaw shanhte hpe shachyut ai ni kadai n nga ti mung, hprawng nga ma ai; rai ti mung ding hpring ai wa chyawm gaw hkanghkyi zawn nden ja nga ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

KASA 22:30

Hpang jahpawt e Yuda masha ni Pawlu hpe shagun ai mara hpa re ai teng teng chye lu hkra shi hpe raw dat nna hkinjawng agyi ni hte salang hpawng ting hpe shaga jahpawng tawn nhtawm Pawlu hpe shanhte a man e shatsap tawn ya mu ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 23:15

Dai re ai majaw, nanhte hte salang hpawng hta lawm ai ni gaw, Pawlu a lam grau nna teng man ai shiga chye lu hkra atsawm sha naw san jep yu na ngu tsun jahpai nhtawm nanhte hpang de shi hpe shaga la na matu hpyen du kaba wa hpe hpyi dat mu. Shaloi anhte gaw shi nang de garai n du ai lam lapran e naw rai nga yang sat na jin jin rai nga na ga ai,” ngu mu ai.

KASA 23:20

Shaloi shi gaw, “Yuda du salang ni Pawlu a amu hpe salang hpawng hta atsawm sha naw jep san mayu ai zawn di jahpai nhtawm salang hpawng de hpawt ni woi la na matu, nang kaw hpyi na nga nna myit hkrum da masai.

KASA 23:28

Ngai gaw shi hpe Yuda masha ni hpa baw mara shagun nga ma ai lam chye mayu ai majaw, ngai shi hpe shanhte a salang hpawng de woi yu wa ya mawe ai.

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

KASA 6:15

Shaloi dai hpawng shingra e dung nga ai nlang, shi hpe jawm azi yu mu yang shi a myi man gaw lamu kasa langai mi a myi man zawn rai nga lu ai hpe shanhte mu ma ai.

1 KORINHTU 4:4

Hpa majaw nga yang, ngai hkum dai myit asan sha, mara n lu dum nngai; rai ti mung ngai hta mara n kap ai ngu nna ngai n tsun mayu nngai, Ngai hpe jeyang ai wa gaw dai Madu rai nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

HEBRE 13:18

Anhte a matu mara n sim n sa akyu hpyi nga mu, anhte ni gaw tinang ni a htauli htaula myit asan apra rai nga ai lam kam lu ga ai, hpa majaw nga yang, anhte gaw ten shagu teng man ai lam galaw mayu ai myit rawng nga ga ai.

1 PETRU 3:16

Rai ti mung dai hpe sumnung shingdi nna hkungga lara ai hte galaw nga mu, Nanhte hpe n kaw n law nga nna roi asawng ai ni gaw nanhte Hkristu a hpang hkan nang ai ni hku nna hkan sa nga ai mai kaja ai arawn alai hpe mu nna shanhte tsun kau ai lam hte seng nna kaya kahpa hkrum mat mu ga, nanhte a myit masin asan sha re ai hku asak hkrung nga mu.