KASA 22:7 - Jinghpaw Common Language Bible 2009

⁷ Ga de ngai kadawng taw nna, Shawlu, Shawlu! Nang hpa rai ngai hpe zingri nga n ta? nga ai nsen langai mi hpe ngai na lu nngai.

Jinghpaw Hanson Version Bible

⁷ Ga de ngai kadawng taw nna, shaga pru ai nsen mung, ‘Shawlu, Shawlu, nang ngai hpe hpa rai zingri nga n ta?’ nga ai, nga na nngai.

KASA 22:7 ပူးပေါင်းရင်းမြစ်များ

NINGPAWT NINGHPANG 16:8

hte, “Sarai a mayam num Hagara e, kade nna pru wa nhtawm kanang de sa wa nga n ta?,” ngu nna san wu ai. Shi gaw, “Nye a madu Sarai kaw nna hprawng wa nga nngai,” ngu nna htan wu ai.

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

NINGPAWT NINGHPANG 22:11

Rai ti mung, dai Madu a lamu kasa gaw sumsing lamu kaw nna shi hpe, “Abraham, Abraham,” ngu nna shaga wu ai. Shi mahtang, “Rai sa, ngai nang e nga nga nngai,” ngu nna htan wu ai.

NINGPAWT NINGHPANG 3:9

Rai ti mung Madu Karai Kasang gaw shinggyim lasha hpe, “Nang kanang nga nga n ta?,” ngu nna shaga wu ai.

PRU MAT 3:4

Dai Madu gaw Mawshe sit sa wa nga ai hpe mu ai shaloi, shi gaw, “Mawshe! Mawshe!, ngu nna dai sumwum kaw na shi hpe shaga wu ai. Shi mung, “Rai sa, ngai nang e nga nga nngai,” ngu nna htan wu ai.

YEREMIA 2:5

Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

YEREMIA 2:9

“Dai rai nna, dai Madu ngai gaw nye a amyu masha ni hte kalang bai dangrang hkat na nngai. Ngai gaw shanhte a aru arat ni hte mung dangrang hkat na nngai.

MAHTE 25:45

Dai rai nna Hkawhkam wa gaw, ‘Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,’ ngu nna shanhte hpe htan mu ai.

MAHTE 27:23

Rai ti mung Pilat gaw, “Dai rai yang gaw, shi n hkru ai hpa wa galaw hkrup sata?,” ngu nna san mu ai. Shanhte chyawm gaw, “Wudang hta jen kau u!,” nga nna nsen htum hkra marawn jahtau bu ma ai.

KASA 22:6

“Shing rai ngai sa wa nga yang Damasku mare makau de du ai shaloi shani jan pungding madi ai hpawa e lamu de na nhtoi kaba langai mi nye a grup yin e akajawng sha nhtoi tu pru wa ai.

KASA 22:8

Ngai mung, ‘Madu e, nang kadai rai nga n ta?,’ ngu nna san we yang, shi gaw, ‘Nang zingri zingrat ai Nazaret na Yesu rai nga nngai,’ nga ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

1 SAMUELA 3:10

Dai Madu gaw sa nna dai yang e tsap let shawng na zawn, “Samuela! Samuela!,” ngu nna shaga wu ai. Samuela mung, “Tsun rit, na a shangun ma wa madat nga nngai,” ngu nna htan wu ai.