KASA 22:5 - Jinghpaw Common Language Bible 2009

⁵ Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

Jinghpaw Hanson Version Bible

⁵ Hkinjawng agyi wa hte salang hpung ting mung, nye a sakse ni rai nga ma ai; shanhte kaw na laika, hpunau ni a matu ngai lu la nna, Damasku mare e nga ai ni hpe mung, ari jahkrum na matu, Yerusalem de gyit dun wa n ga, ngu nna Damasku de ngai lung wa nngai.

KASA 22:5 ပူးပေါင်းရင်းမြစ်များ

LUKA 22:66

Nhtoi htoi jang, Yuda amyu masha ni a ningbaw rai nga ai salang ni, hkinjawng agyi ni hte Tara sara ni hpawng ma ai. Yesu hpe dai kongsi hpawng de woi wa nna, shanhte a man de jashawn nhtawm,

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 2:29

“Hpu nau ni e, anhte a kaji daju rai nna kajai gumhkawng ai Dawi a lam hpe ngai asan sha tsun dan na n ngai. Shi gaw si wa ai hte lup makoi hkrum sai rai nna shi a lup gaw dai ni du hkra anhte hte rau nga nga ai.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

KASA 23:1

Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 26:10

Kaja wa Yerusalem mare e dai hku nan ngai galaw yu se ai. Hkinjawng agyi ni kaw na ahkang lu la nna, Karai Kasang a masha ni law law hpe htawng hta bang da nna, shanhte hpe sat kau na daw dan ai shaloi ngai myit hkrum lawm ni ai.

KASA 26:11

Tara jawng ni hta shanhte hpe law law lang ari jahkrum nhtawm, shanhte a makam masham nyet kau mu ga galaw shakut se ai. Shanhte hpe ngai nachying pawt bu ai hte maigan mare kahtawng du hkra pyi, hkan zingri mase ai.

KASA 26:12

“Ndai yaw shada ai lam a majaw hkinjawng agyi ni kaw na mungga ahkang lu nna Damasku mare de sa wa nngai.

KASA 28:17

Masum ya nhtoi lai ai hpang, Pawlu gaw, dai buga na Yuda agyi salang ni hpe shaga jahpawng la wu ai. Shanhte du sa hpawng nga ma yang, shi gaw shanhte hpe, “Nye a hpu nau Israela amyu masha ni e, ngai gaw, nye a amyu hpe mung, ji wa ni a htung hking hpe mung, nhtan shai ai amu hpa mung n galaw yu nngai, rai ti mung Yuda amyu masha ni Yerusalem mare kaw ngai hpe rim la nhtawm Roma masha ni a lata de bawng masha langai mi hku ap kau ai ngai hkrum nngai.

KASA 28:21

Shaloi shanhte gaw, “Na a lam Yuda mung na laika mung anhte n lu ga ai; dai de na anhte a Yuda amyu masha hpu nau ni kadai mung na a lam n kaja ai shiga n sa tsun ma ai.

KASA 3:17

Ya rai ti mung hpu nau ni e, nanhte hte nanhte a du agyi ni Yesu hpe nanhte a n chye n chyang ai a majaw galaw kau nga ai lam ngai chye nga nngai.

KASA 4:5

Hpang shani e Yuda du agyi ni, salang ni, Tara sara ni, Yerusalem mare hta hpawng nga ma ai.

KASA 5:21

Kasa ni mung ga madat nna jahpawt nhtoi hprim hpram rai wa ai aten hta dai Htingnu de shang wa nna sharin shaga hpang wa nga ma ai. Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw hpawng kaba hpawng na matu shaga tawn ma ai. Dai hpang kasa ni hpe shanhte a man de woi shapraw sa wa na matu hkang da nna tara rap daw hpawng sin ai ni hpe htawng de shangun dat mu ai.

KASA 9:14

Dai hta n-ga, ya mung, nang hpe nawku daw jau ai ni yawng hpe rim la na matu hkinjawng agyi ni kaw na ahkang hte Damasku mare de du sa ra ai,” ngu nna htan wu ai.

GALATI 1:13

Ngai gaw Yuda nawku htung hta naw nga ai shaloi e, ngai kaning rai hkan sa galaw lai wa sai lam nanhte na yu manit dai. Ngai gaw Karai Kasang a hpung hpe matsan dum ai myit n rawng ai sha nachying ladu lai hkra zingri zingrat ai hte jahten shamyit kau na atsam htum hkra shakut lai wa ni ai.

HPILIPI 3:6

Myit lawm shakut sharang ai lam hpe tsun ga nga yang ngai gaw hpung hpe zingri zingrat ai wa rai nngai. Masha langai mi gaw jep ai Tara hpe hkan sa shadik nna ding hpring ai hpe lu la lu ai nga yang ngai hta mara n kap ai.

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.