KASA 22:30 - Jinghpaw Common Language Bible 2009

³⁰ Hpang jahpawt e Yuda masha ni Pawlu hpe shagun ai mara hpa re ai teng teng chye lu hkra shi hpe raw dat nna hkinjawng agyi ni hte salang hpawng ting hpe shaga jahpawng tawn nhtawm Pawlu hpe shanhte a man e shatsap tawn ya mu ai.

Jinghpaw Hanson Version Bible

³⁰ Hpang jahpawt e, Yuda masha ni Pawlu hpe shagun ai mara hpa re ai, teng teng chye lu hkra, shi hpe raw dat nna, hkinjawng agyi ni hte salang bawng ting hpe shaga jahpawng tawn nhtawm, Pawlu hpe shanhte a ka-ang e jashawn ya wu ai.

KASA 22:30 ပူးပေါင်းရင်းမြစ်များ

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

MAHTE 27:2

Dai hpang shi hpe gyit nhtawm Roma mung gyi Pilat hpang de sa ap kau mu ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

KASA 21:11

Shi anhte kaw shang nna Pawlu a shingkyit la nhtawm, shi dai shi a lagaw lata gyit nna, “Chyoi pra ai Wenyi ning nga tsun nga ai, ndai shingkyit madu hpe Yuda masha Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 23:1

Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

KASA 23:15

Dai re ai majaw, nanhte hte salang hpawng hta lawm ai ni gaw, Pawlu a lam grau nna teng man ai shiga chye lu hkra atsawm sha naw san jep yu na ngu tsun jahpai nhtawm nanhte hpang de shi hpe shaga la na matu hpyen du kaba wa hpe hpyi dat mu. Shaloi anhte gaw shi nang de garai n du ai lam lapran e naw rai nga yang sat na jin jin rai nga na ga ai,” ngu mu ai.

KASA 23:20

Shaloi shi gaw, “Yuda du salang ni Pawlu a amu hpe salang hpawng hta atsawm sha naw jep san mayu ai zawn di jahpai nhtawm salang hpawng de hpawt ni woi la na matu, nang kaw hpyi na nga nna myit hkrum da masai.

KASA 23:28

Ngai gaw shi hpe Yuda masha ni hpa baw mara shagun nga ma ai lam chye mayu ai majaw, ngai shi hpe shanhte a salang hpawng de woi yu wa ya mawe ai.

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

KASA 5:21

Kasa ni mung ga madat nna jahpawt nhtoi hprim hpram rai wa ai aten hta dai Htingnu de shang wa nna sharin shaga hpang wa nga ma ai. Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw hpawng kaba hpawng na matu shaga tawn ma ai. Dai hpang kasa ni hpe shanhte a man de woi shapraw sa wa na matu hkang da nna tara rap daw hpawng sin ai ni hpe htawng de shangun dat mu ai.