KASA 22:3 - Jinghpaw Common Language Bible 2009

³ “Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

Jinghpaw Hanson Version Bible

³ “Ngai gaw Kiliki mung, Tarshu mare e shangai ai Yuda masha rai nga nngai; rai timung, ndai mare hta Gamale a lagaw nhpang e ngai kaba wa nna, anhte a ji wa ni a ja la ai jep ai tara htung hking hte maren azin ayang sharin achyin la nna, dai ni na nanhte zawn, ngai mung, Karai Kasang hpang maga myit kaba ai hte,

KASA 22:3 ပူးပေါင်းရင်းမြစ်များ

2 SAMUELA 21:2

(Gibeon masha ni gaw Israela masha ni n rai ma ai. Shanhte gaw Israela masha ni e makawp maga la na matu ga sadi jaw da hkrum ai Amori masha ni hta na amyu kaji ni sha rai nga ma ai; rai ti mung Shawlu mahtang Israela hte Yuda masha ni a akyu matu grau myit sharawng wu ai majaw shanhte hpe jahten shabyak kau na maw wu ai.)

2 HKAWHKAM 4:38

Lang mi, Elisha gaw Gilgala mare de nhtang wa yang, dai mung e hkuwa wa nga ai. Shi gaw myihtoi hpung mi hpe sharin achyin nga yang, shi a shangun ma ni hpe wan ntsa e di kaba shadun nhtawm myihtoi ni a matu shatmai shadu shangun wu ai.

LUKA 10:39

Dai numsha gaw, Mari ngu ai kanau langai mi lu ai, shi gaw dai Madu a lagaw nhpang e dung nga let, Madu a sharin shaga ai ga madat la nga ai.

LUKA 2:46

Ya masum ya na wa sayang she, dai Nawku Htingnu kata, Yuda sara ni a ka-ang e, shanhte a ga madat la nna, shanhte hpe ga san ni san let dung nga ai hpe shan sa mu ma ai.

LUKA 8:35

Masha ni mung dai byin ai lam hpe yu na pru sa wa ma ai. Shanhte Yesu kaw du ma yang, nat ni pru mat wa kau da ai wa gaw, hpun palawng bu hpun nna, shawoi na myit kaja hte Yesu a lagaw nhpang e dung nga la ai hpe mu ma ai shaloi hkrit kahpra mat ma ai.

KASA 11:25

Dai hpang Shawlu hpe sa tam na Tarshu de pru sa mat wa ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

KASA 21:39

Pawlu gaw, “Ngai Kiliki mung na Tarshu mare hta shangai ai, grai ahkyak ai mare kaba na Yuda masha langai mi rai nngai. Chyeju hte ndai masha ni hpe ga shaga na ahkang jaw e,” ngu nna hpyi nem wu ai.

KASA 23:34

Munggyi gaw dai laika hti ngut jang, Pawlu hpe, “Nang gara mung na rai n ta?,” ngu nna san wu ai; Kiliki mung na re ai chye jang,

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 26:5

Galoi mung shanhte ngai hpe chye nga ma ai majaw, anhte a nawku htung na ja dik ai tara hkan ai Hparishe hpung hta ngai lawm nga nngai gaw, shanhte sakse hkam mayu yang, hkam lu ma ai.

KASA 26:9

“Ngai nan Nazaret wa Yesu a mying hte nhtan shai ai lam shagu hpe ngai dang di lu ai daram galaw mai ai ngu nna myit nngai.

KASA 5:34

Rai ti mung, mung masha ni yawng e shagrau shatsaw hkungga tawn ai Tara sara kaba Gamale ngu ai Hparishe langai mi kasa ni hpe hkring mi shinggan de shapraw tawn shangun nhtawm

KASA 6:9

Rai ti mung Kureni mung hte Alexandru mare na Yuda ni lawm ai ‘Shanglawt’ ngu ai tara jawng hte seng ai ni, bai, shanhte hte rau Kiliki hte Asi kaji mung na Yuda amyu masha nkau mi rawt nna Stehpan hte ndang kalang hkat hpang wa ma ai.

KASA 9:1

Dai aten ladaw hte yang Shawlu gaw Madu a hpang hkan nang ai ni hpe jahkrit shama ai hte sat kau na nga masin pawt bu nga ai. Shi gaw hkinjawng agyi kaw sa nhtawm,

KASA 9:11

Dai Madu bai tsun wu ai gaw, “Nang shajin la nhtawm Lam Ding ngu ai mare lam de sa nna Yuda ngu ai wa a nta e Tarshu mare na Shawlu ngu ai wa hpe sa tam su! Yu u, shi akyu hpyi nga ai rai nna,

KASA 9:30

Dai lam kam sham ai hpu nau ni chye jang shi hpe Kesare de sa dat nna Tarshu de shangun dat mu ai.

ROMA 11:1

Dai rai nna ngai san yu n ga, Karai Kasang gaw shi a amyu masha ni hpe kabai kau nu ni? Shing n rai law! Ngai hkum nan Israela masha rai nga nna, Abraham a aru arat hte Benyamin a bawsang rai nga nngai.

2 KORINHTU 11:22

Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

GALATI 1:14

Yuda nawku htung hpe ta tut hkan sa ai lam hta ngai gaw nye a amyu na rau ram manang ni law law hta jan nna myit lawm ai hte ji wa ni a matsun maroi ni hpe hkan sa shadik lai wa ni ai.

GALATI 1:21

Dai hpang e Suri mung hte Kiliki ginwang hkan e ngai sa du nngai.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.