KASA 22:25 - Jinghpaw Common Language Bible 2009

²⁵ Rai ti mung kayat sharim na matu shanhte shi hpe gyit hkang mu yang, Pawlu gaw dai makau e tsap nga ai hpyen du wa hpe, “Taw, Roma mungchying sha langai mi hpe, mara lama ma a majaw garai n jep san, n jeyang ngut, kayat sharim ai gaw tara upadi hte bung pre nga a ni?,” ngu nna tsun wu ai.

Jinghpaw Hanson Version Bible

²⁵ Shanhpyi sumri hte shi hpe gang jen mu yang, Pawlu gaw makau e tsap nga ai hpyen du wa hpe, “Taw, Roma masha rai nga ai wa hpe, garai n jeyang ngut yang, nanhte kayat sharim mai a ni?” ngu wu ai.

KASA 22:25 ပူးပေါင်းရင်းမြစ်များ

KASA 16:37

Rai ti mung Pawlu gaw, “An Roma mungchying sha she rai nga ga ai hpe hpa mara hte mung garai n san daw dan yang, masha a man e an hpe kayat nna htawng hta jahkrat da myit htawm me, ya atsin sha lagyim dat dat na maw ma hka i? Dai hku an pru mat wa na n rai law! Shanhte hkum lala she sa shapraw la mi ga,” ngu nna shanhte hpe htan dat mu ai.

KASA 25:16

Rai ti mung ngai gaw, mara shagun hkrum ai wa langai ngai, mara shagun ai ni hte myiman chyaw rai nna shanhte mara shagun da ai hpe tsun dan na ahkaw ahkang n jaw ai sha marai langai ngai hpe ap kau na gaw anhte Roma masha ni a htung lai n re ngu nna shanhte hpe tsun da mawe ai.

KASA 27:43

Rai ti mung, dap up du wa gaw, Pawlu hpe hkye la mayu nna hpyen la ni maw ai hpe hkum kau nhtawm, shing rai na malai hka hpungyawt chye ai ni yawng sanghpaw ntsa na shawng gumhtawn hkrat nna hkarang de kaw pru wa na hkang da mu ai.

KASA 23:17

Pawlu mung hpyen dap kung langai mi up ai hpyen du wa hpe shaga la nna, “Ndai ma hpe dap up du kaba wa hpang de woi wa ya e; shi lama mi tsun mayu ai da,” ngu dat dat wu ai.

KASA 27:3

Hpang shani e anhte Sidon mare de du ga ai, Yuli gaw Pawlu hpe matsan dum nna shi a jinghku ni kaw sa jahkrum na hte shi hta ra kadawn ai lam ni jaw ya, galaw da na ahkang jaw mu ai.

KASA 27:1

Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.

KASA 10:1

Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MAHTE 8:8

Shaloi dai hpyen du wa gaw, “Madu e, nye nta de nang sa shang na gaw, ngai n ging n dan nngai, na a ga hkaw mi sha tsun dat rit, shaloi nye a shangun ma mai mat na ra ai.

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

KASA 22:26

Hpyen du wa dai na jang, hpyen du kaba kaw wa nna, “Nang hpa galaw maw nga n ta? Dai wa gaw Roma mungchying sha rai nga ai!,” ngu nna shana ya wu ai.

KASA 23:27

Yuda masha ni gaw ndai wa hpe rim la nna shi hpe sat na maw nga ma yang, shi Roma masha re ai lam ngai chye lu ai majaw, hpyen ma ni hte ngai sa nna shi hpe gare hkye la we ai.